E fundit!

17:25 Opinione Xhovan Shyti

EDUKONI FËMIJËT, MOS VRISNI QENTË

Një rast i denoncuar nga dy shoqata të mbrojtjes së kafshë...

Një bandë mediatike kundër qytetarëve

4 Tetor 2019, 12:05, Politikë CNA

Prej disa kohësh ka filluar procesi i digjitalizimit. Me problematikat e veta, me disa investime që shkuan në miliona e miliona euro, me tentativa për të mbyllur transmetimet analoge dhe për të kaluar direkt në digjitale, etj.

Por, çfarë ka ndodhur?

Afati i fundit që ishte 1 shtatori u shty për në 1 tetor. Por, Tv Klan është i vetmi televizion që po transmeton edhe në analog edhe në digjital, duke kërkuar që fikja e sinjalit analog të bëhet në mënyrë graduale, kjo për të mos i krijuar probleme qytetarëve.

Por, tani banda mediatike, e kryesuar nga Vjollca e Top-it, e ndjekur nga Tan Dulaku dhe nga mediat me titra të trafikantëve të drogës, protestojnë se pse TV Klan transmeton edhe në analog për qytetarët e Tiranës.

Nëse do të kishin fikur sinjalin analog, qytetarët do të ngeleshin pa media. Në terr. Se jo të gjithë janë pajisur me dekodera digjitalë. Por, mesa duket këto kompani kanë futur dekodera, duan t?i shesin ato dhe me çdo kusht duan të bllokojnë çdo televizion që transmeton në analog. Ndërkohë që proçesi nuk ka përfunduar.

Por, e njëjta situatë paralel me Tiranën është edhe në Sarandë dhe në Vlorë.

Ndërkohë që plani i fikjes ishte Tiranë, Durrës dhe Vlorë, meqënëse Top Channel dhe Digitalb nuk ka bërë asnjë investim për Himarën dhe Sarandën dhe meqënëse në këto zona ka investuar vetëm Tv Klan me platformen digjitale, AMA e anulloi fikjen për Qarkun Vlorë, duke favorizuar Digitalb-in dhe shkelur vendimin për fikje.

Dhe tani del e proteston Top Channel, sepse Tv Klan është ndër të parët e po e ndjekin qytetarët, por këta mesa duket kanë hallin të shesin dekoderat e tyre.

Vjollca ankohet për TV Klan, ndërkohë që Digitalb ka marrë tre licensa, në një kohë që ligji i lejon vetëm një.

Në letrën e firmosur nga Vjollca e Topit me shokë, ndër të tjera pretendohet se Tv Klan ka shkelur ligjin dhe për më tepër, kërkon që Klan të ndëshkohet. Në një letër drejtuar AMA-s theksohet se ?Shkelje të tilla sanksionohen në disa nene të ligjit për mediat audiovizive dhe sipas të drejtave dhe rëndësisë së zgjatjes së situatës, mund të jenë objekt i mosmarrëveshjeve që do të lindin dhe shqyrtohen nga organet gjyqësore kompetente për dëmshpërblimet e dëmeve të shkaktuara.

Gjithashtu kërkohet që strukturat e AMA të ndërmarrin masat e duhura operacionale dhe ligjore për të detyruar këta operatorë të zbatojnë ligjin dhe të mos prishin ekuilibrat e tregut kaq të ndjeshëm sa ai i mediave, duke mos u bërë palë me shkaktuesit e shkeljeve.?.

Pra, Vjollca e Digitalb, e cila ka transmetuar mbi 10 vjet pa licensë fare duke zaptuar katër frekuenca e duke mos paguar asnjë taksë për këto frekuenca, tani kërkon që të ndëshkohet TV Klan, sepse e ndjekin qytetarët, sepse nuk i ka lënë në terr informativ ata. Të sulmohet Klan sepse po i mbeten pa shitur dekoderat Vjollces. Halle shume ka Vjollca./ CNA.al