web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Kosovë/ Altin Goxhaj: Koalicionet politike të kapura nga Sorosi

6 Tetor 2019, 16:22, Kosova & Bota CNA

I ftuar në Fax News pasditen e sotme, avokati i njohur Altin Goxhaj ka folur referuar zgjedhjeve të parakohshme parlamentare në Kosovë. Ndërsa vlerëson si pozitiv  faktin se deri tani nuk janë shënuar incidente, Goxhaj shprehet se ndryshe nga Shqipëria, Kosova ka një kulturë shtet-formimi më të mirë.

Megjithatë, avokati shprehet jo i qetë përsa i përket vijimësisë së situatës politike pas përfundimit të parlamentareve ditën e sotme. Sipas Goxhajt, ?Sorosi ka infektuar të gjitha koalicionet politike në Kosovë dhe se në vendin  fqinjë po ndodh e njëjta gjë sin ë Shqipëri në 2015.?

Avokati tregon se të gjitha koalicionet politike janë të kapura nga Sorosi, ndërsa shton se gabimi më i madh i Ramush Haradinajt ishte bërja e një koalicioni me Shpend Ahmetin, i cili sipas tij është pjesë e fondit të Sorosit.

?Kosova ka një tjetër kulturë zgjedhore nga Shqipëria. Ka një kulturë shtet-formimi më të mirë se Shqipëria. Kosovarët kanë derdhur gjak për të siguruar të drejtat e tyre demokratike, ndërsa nga ana tjetër në Shqipëri nuk ka ndodhur kështu. Duhet të kemi parasysh se lëvizjet e dhjetorit dhe lufta për të fituar të drejtën zgjedhore  ka qenë shumë paqësore. Pra kemi të bëjmë me atë që quhet tranzicion i butë. Falë arritjes së një marrëveshje u kalua nga komunizmi në demokraci pa dhunë dhe mund të themi se shqiptarët e kanë pasur dhuratë të drejtën e votës.

Lajm i mirë është që zgjedhjet po shkojnë mirë, nuk ka incident. Unë kam dashur të angazhohem së tepërmi për të përkrahur forca politike në Kosovë dhe jam i zhgënyer nga një fakt. Sorosi ka infektuar të gjitha koalicionet në Kosovë. ka ndodhur po e njëjta gjë që ndodhi në Shqipëri në 2015, kur Sorosi futi kthetrat e tij duke kapur partitë politike PD, PS.

Është po e njëjta situatë që shoh tani në Kosovë. Sorosi ka qenë aty, në Kosovë, por ka qënë tepër i vogël falë ndërhyrjes së forcave amerikane. Tani mendoj se sorosi ka gjetur terrenin e duhur për tu përhapur në Kosovë.

Albin Kurti pjesë e metastazeve të Sorosit në Kosovë, e njëjta gjë vlen edhe për Hashim Thaçin apo Ramush Haradinaj. Haradinaj ka bërë koalicion me Shpend  Ahmetin, i cili është pjesë e fondit të Sorosit.

Unë mendoj se ky koalicion ishte gabimi më i madh që bëri Ramush. Kjo do të thotë se Kosova është e kapur nga Sorosi, ashtu sikurse Shqipëria në 2015. Por ka një anë pozitive sepse Kosova ka një precedent, Shqipërinë; dhe qytetarët kosovar kam besim se do të jenë të aftë të bëjnë zgjedhjen e duhur.

Rreziku që vjen në muajt që vijnë në Kosovë. Shpresoj shumë që zgjedhjet të jenë paqësore, të lira dhe paincidente deri në fund. Gjithsesi mbetet për tu parë edhe në muajtë në vijim se si do të veprojë koalicioni politik me Serbinë përsa i përket çështjes së kufijëve  të Kosovës. ështja e kufijëve të Kosovës është një çështje që është mbyllur aty nga ndërkombëtarët, çka do të thotë se nuk ka shkëmbime.

Unë jam për një marrëveshje midis dy vendeve pa shkëmbim territoresh.?/ CNA.al





Lajmet e fundit nga