web counter
LEXO PA REKLAMA!

SHKARKO APP

App Store
Google Play

E fundit!

x

Dështoi në standarte/ Agjencisë së Akreditimit nuk i ripërtërihet anëtarësia

3 Tetor 2019, 16:03, Kosova & Bota CNA

Shoqata Evropiane për Sigurimin e Cilësisë në Arsimin e Lartë, nuk i ka ripërtërirë anëtarësinë Agjencisë së Akreditimit të Kosovës, për shkak të dështimit të saj për të përmbushur standardet dhe rregullat e shoqatës.

Shoqata përmend ?mungesën e konsensusit të gjerë në arsimin e lartë lidhur me rolin dhe veprimtaritë e agjencisë, mungesën e burimeve njerëzore dhe financiare për të realizuar aktivitetet e Agjencisë së Akreditimit”, etj.

Përfaqësuesja e Posaçme e Bashkimit Evropian në Kosovë, Natalya Apostolova shprehu keqardhjen për një vendim të tillë duke theksuar se kjo është ” kthim prapa dhe pasojë e drejtpërdrejtë e politikave jo të shëndosha në të kaluarën, siç ishte vendimi i Qeverisë në shtator të vitit 2017 për të shkarkuar të gjithë Bordin e Agjencisë pa arsyetimin e duhur”.

Ajo i bën thirrje qeverisë së ardhshme që të zgjidhë menjëherë të gjitha çështjet së bashku me Agjencinë e Akreditimit në mënyrë që të sigurojë që pas dy vjetësh Kosova të rifitojë anëtarësinë në ENQA.

“Më e rëndësishmja, qeveria e re nuk duhet të përsërisë gabimet e së kaluarës”, thuhet mes tjerash në reagimin e zonjës Apostolova.





Lajmet e fundit nga