E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

CNA.al paralajmëroi shkarkimin/ Sonila Qato largohet nga detyra

19 Shtator 2019, 13:19, Aktualitet CNA

CNA.al e paralajmëroi dy ditë më parë, se pas skandalit me tenderat dhe akuzat e shumta, drejtoresha e Përgjithshme e ARRSH-së, Sonila Qato pritet të shkarkohet nga detyra.

Ndërkohë, CNA.al raportoi ditën e sotme se Qato pritet të shkarkohet dhe në vend të saj pritet të emërohet Vasilika Vjerro, ish-drejtoresha e Tatimeve, e larguar nga kryeministri Edi Rama, pas performancës së dobët.

Ndërkohë, mesa duket për të shmangur pasoja të tjera dhe për të qetësuar gjithçka ka ndodhur dhe skandalet në të cilat është përfshirë ARRSH, është larguar nga detyra.

Si gjithmonë, Rilindja gjen një rrugë tjetër për të zbutur skandale dhe zhurmën, duke luajtur me variantin e dorëheqjes, që në fakt është një shkarkim.

Lajmi për largimin nga detyra është bërë i ditur nga vetë Qato, e cila në një postim në rrjetet sociale, justifikohet duke sulmuar mediat.

?Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore (pjesë e kësaj pune është edhe kompania që akuzon).?-shkruan ndër të tjera Qato.

Postimi i plotë:

Pas një periudhe të shkurtër pune, por shumë intensive, për të reformuar Autoritetin Rrugor Shqiptar dhe për të krijuar një model transparence dhe profesionalizmi në këtë institucion, vetëm pak ditë më parë jam akuzuar nga një kompani lidhur me një procedurë, të cilën unë e gjykoj plotësisht të drejtë dhe ligjore.

Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore (pjesë e kësaj pune është edhe kompania që akuzon).

Jam e keqardhur për gjithë këtë zhurmë dhe e lënduar nga spekulimet jashtëzakonisht të mëdha në media mbi procedurat e ndjekura në respektim të ligjit dhe dokumentacionin zyrtar që ka të bëjë me rastin në fjalë. Por jam edhe në pamundësi normaliteti në një punë që s?ka as orar dhe as ditë pushimi, sepse kërkon angazhim ekstrem mendërisht e fizikisht.

Prandaj me mirënjohjen e sinqertë për Kryeministrin e vendit, i cili jo vetëm më besoi këtë detyrë të rëndësishme, por edhe më krijoi kushte të pavarësisë së plotë në drejtimin e institucionit, ndjeva sot detyrimin moral t?u bëj me dije dorëheqjen nga detyra që më është ngarkuar.

Jam e gatshme që të gjithë eksperiencën, dijen dhe integritetin tim ta vë në dispozicion të çdo detyre tjetër që mund të më kërkohet, por siç u mundova ta shpjegoj, e kam të pamundur të vazhdoj detyrën aktuale.

Faleminderit të gjithë bashkëpunëtorëve të mi dhe vazhdim të mbarë të një pune që kemi nisur mirë së bashku!/ CNA.al

Bie Sonila Qato/ Zbulohet kush do ta zÃ«vÃ«ndÃ«sojÃ«