E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Po të shitej morali/ Monika Kryemadhi do ta blinte

12 Gusht 2019, 10:47, Aktualitet CNA

Kryetarja e LSI-së, Monika Kryemadhi, së cilës pamja e jashtme i kushton shtrenjtë nuk heq dorë nga vajtimi për varfërinë e shqiptarëve.

Ose Kryemadhit i kujtohet e kaluara dhe rikthehet pas në origjinë, ose mendon se po iu hedh hi syve shqiptarëve se gjoja po i dhimbsen.

“Plagët sociale si varfëria, korrupsioni, emigrimi dhe probleme të tjera shoqërore mund të gjejnë zgjidhje vetëm duke ndërtuar sisteme të drejta e të ngritura mbi vlera”. Kjo deklaratë është shkruar nga Kryemadhi.

Pasi iu ka pirë gjakun shqiptarëve, bashkë me bashkëshortin e saj, Ilir Meta, në këto 30 vite del dhe flet për plagë sociale.

Ku ka moral Monika Kryemadhi të flasë për varfërinë, korrupsionin dhe emigrimin.

Të flasë për varfërinë, kur ndërhyrjet estetike i shkojnë mijëra euro, kur veshjet i shkojnë mijëra euro si dhe kur ka miliona euro pasuri të patundshme.

Është po kjo Monikë që doli në media dhe u reklamoi shqiptarëve vilën e saj në Gjirin e Lalzit me 11 banjo. Është kjo Monikë, që shfaqet me perla dhe aksesorë të shtrenjtë në Kuvend dhe në protestat e Opozitës.

A ka moral Monika Kryemadhi të flasë për varfërinë?

Le, të bëjë diçka për varëfërinë shqiptarëve, nëse ka moral dhe të dorëzojë pasurinë e dyshimtë. Por, një gjë e tillë do ta kthente pas atë, në Monikën e vërtetë, në Monikën pa plastikë.

Të vijmë tek korrupsioni, pika më fortë e Monikës dhe bashkëshortit të saj.

Nuk ka politikan në Shqipëri, rajon dhe Evropë, që akuzohet më shumë se Ilir Meta për korrupsion.

Kujtojmë se në ditët e para të Janarit 2011, në emisionin Fiks Fare u transmetua një videopërgjim i një bisede mes Ministrit të Ekonomisë Dritan Prifit dhe Ilir Metës që asokohe mbante postin e Zëvendëskryeministrit dhe Ministrit të Punëve të Jashtme.

Meta shfaqej në pamje duke i dhënë porosi të natyrës korruptive vartësit të tij për tendera që kishin të bënin me energjinë. Meta ia hodhi, i ndihmuar nga njerëzit e tij në gjykata dhe prokurori.

Gjithashtu Ilir Meta është akuzuar, si person i cili ka përfituar miliona euro nga transaksionet financiare mes CEZ dhe KESH përmes kompanisë së mbledhjes së borxhit DIA që zotërohej nga Kastriot Ismailaj, person shumë i afërt me Metën, që sot ky i fundit e ka braktisur.

A ka moral Monika të flasë për korrupsionin?

Pra, është bërë ajo shkak dhe soji i saj që shqiptarët janë larguar nga vendi.

Kështu që kryetarja e LSI-së nuk ka moral të flasë as për emigrimin. Ndërkohë fëmijët e saj studiojnë në shkollat më të shtrenjta të Evropës, fëmijët e shqiptarëve kanë marrë rrugët, për bukën e gojës.

Shqipërinë ua grabiti Monika me kompani, ndërsa sot del e vajton. Kësaj i thonë të të vrasin natën e të qajnë ditën.

Nëse morali do të tregtohej, Monika Kryemadhi do ta blinte, se nuk i mungojnë paratë, në mënyrë që të kompletonte dhe mashtrimet t’i bënte sa më origjinale./CNA.al