Privilegjet e një Kryeprokurori/ Dritan Peka “zhvat” të pastrehët

19 Qershor 2018, 13:39, Aktualitet CNA

Abuzimi me paranë publike në Shqipëri është kthyer në një procedurë standarte.

Mjafton të kesh një post apo një detyrë në institucionet shtetërore dhe jeta bëhet më e lehtë, sigurisht në kurriz të qytetarëve ?taksapagues.

Kreditë e buta, apo kreditë sociale siç njihen ndryshe, ligjërisht duhet të përfitohen nga njerëzit në nevojë, por praktikisht ndodh e kundërta.

Në listën e atyre që kanë marrë kredi sociale, rezultojnë emra zyrtarësh.

Këto kredi u janë dhënë zyrtarëve të lartë ?si të pastrehë?, ndërkohë sipas pasurive që ata kanë deklaruar prona ILDKPK ?së, veç të varfër nuk mund të quhen.

Por, të varfërit e vërtetë, nuk kanë postet e tyre për të përfituar shërbimet që u takojnë. Ata janë zëvendësuar me deputetë, gjyqtarë apo prokurorë, si rasti që do të trajtojmë sot.

Një ndër emrat që ka marrë kredi sociale, është edhe Prokurori i Apelit Dritan Peka. Ky i fundit e ka marrë kredinë në emër të bashkëshortes Nejla Peka, e cila deri pak kohë më parë, të paktën deri në deklarimin e pasurisë më 31.03.2017, ka punuar në Kryeministri.

Në deklarimin e pasurisë së prokurorit Peka, nuk mungojnë llogaritë e kursimit jo vetëm për bashkëshortët Peka, po edhe për fëmijë, pagesa në shkolla private etj.

Sigurisht, që prokurori Peka është i varfër, por fëmijën e shkollon në kolegj privat, bën pushime luksoze, dhe kështu e meriton dhe një kredi sociale.

Qytetarëve që blejnë bukë me listë, që janë të pastrehë, që nuk mund të shkollojnë fëmijë në shtet dhe në privat jo e jo, nuk ka çfarë iu nevojitet kredia sociale.

Ata nuk mund të zhvasin se nuk kanë poste. E ardhmja e tyre është projektuar në varfëri, ndërsa e prokurorit Peka në pasuri.

Peka si të gjithë zyrtarët e tjerë paguhet me taksa të qytetarëve qofshin të varfër apo jo, dhe për t?i vënë qershinë mbi tortën ai iu ?rrëmben? edhe atë çfarë iu takon me ligj.

Kur në llogarinë e fëmijës kursen 2000 euro, natyrisht që lind nevoja dhe për një kredi sociale me parullën si i pastrehë.

Edhe në deklarimin e pasurisë, por edhe në rrjetet sociale të bashkëshortes së tij, vërehet luksi në të cilin ata jetojnë.

Nuk kanë lënë ishuj të Greqisë pa shkuar për pushime dhe vende të tjera të Evropës, si në Itali apo Gjermani. Dhe gjithë këtë luks e ka hedhur në rrjetet sociale, bashkëshortja e prokurorit.

Sikur të gjithë të pastrehët të kishin këtë fat si prokurori Dritan Peka, Shqipëria do të ishte vendi më i pasur në botë.

Dritan Peka, në tetor të 2014, është emëruar në krye të Prokurorisë së Apelit në Tiranë.

CNA.al sjell më poshtë pasurinë e deklaruar nga prokurori Peka më 31 mar 2017 dhe le ta gjykojë Komisionit i Vettingut, nevojën e një kredie sociale për Pekën, marrë në vitin 2010.

Edhe me kredi edhe të të shtohet pasuria, rrallë se shohim. Të paktën ne qytetarëve të thjeshtë nuk na ndodh.

Deklarata e pasurisë së prokurorit Dritan Peka

Llogari “FUTURA”, llogari kursimi për fëmijë, në shumën 2000 euro

Gjendje llogarie rrjedhëse e pagës deri në 31.12.2016 në shumën 995,357 Iekë.

Gjendje llogarie rrjedhëse e bashkëshortes Nejla Peka, deri më 31.12.2016 , në shumën 380,226.04 Iekë.

Depozitë e bashkëshortes Nejla Peka në shumën 322587.38 lekë referuar datë 13.10.2016 (të ardhura nga mësimdhënia dhe pjesëmarrja më borde në shumën 322 587 38 lekë.

Paga neto si prokuror nga Prokuroria e Apelit, në shumën 1 503 826 lekë

Paga neto e bashkëshortes neto nga Kryeministria, në shumën 1 296 960 lekë

Këshilli administrimit Universiteti Elbasan, neto, të ardhura nga mësimdhënia, UAXH, Elbasan, të ardhura neto nga mësimdhënia në Shkollën e Lartë të Administratës Publike (trajnere në ASPA), të ardhura neto nga mësimdhënia në Fakultetin e Drejtësisë, Universiteti i Tiranës , në llogari të bashkëshortes Nejla Peka në shumën 267 647 lekë.

Të ardhurat nga anëtarësia në Këshillin e Prokurorisë në llogari të prokurorit Dritan Peka në shumën 72 250 lekë.

Kredi shtetërore për strehim, BKT, 5.000.000 lek/15 vjet/2010-2025, disbursuar më 14.7.2010. Shuma e shlyer në vlerën 468,4531ekë , ndërsa shuma e pashlyer në vlerën 2,340,188.64 lekë.

Derdhje për këst kredie në shumën 927,700 lekë.

Shkolla nëntëvjeçare “Turgut Ozal” pagesë në shumën 3600 euro

Derdhje për këst kredie në shumën 1 418,453 lekë /CNA.al