E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

A po fillon rrënimi i Digitalb?

1 Gusht 2019, 17:27, Opinione CNA

Sot në mesditë u njoftua se televizioni kombëtar Klan, aktualisht më i madhi, jo vetëm nga audienca, por dhe për nga prodhimtaria e programacioni, u largua, pas më shumë se një dekade, nga platforma Digitalb.

Klan dhe Top Channel së bashku dhe me disa kanale të tjera ishin pjesë e themelimit të një platforme, më e fuqishmë në Shqipëri, por, prej disa kohësh, dikush që po e menaxhon platformën ka filluar të mendojë ndryshe. Ndoshta i ka marrë “koka erë”, ndoshta nuk e kupton çfarë po bën, por ajo që duket është se po fillojnë hapat e para të rrënimit të Digitalb-it.

Një nga arsyet e mëdha është se të gjithë ekspertët, drejtuesit dhe menaxherët kryesorë të Digitalb-it janë larguar që nga drejtori, producent e të tjerë.

Njerëzit që prodhonin reklamat, që krijonin imazhin, juristë, menaxherë, shumë njerëz me pozicione, së fundmi filluan t’i ikin përtej skuadrës dhe ekipit Digitalb. Edhe televizionet, të cilët bënin që kjo paketë/platforma, që ishte e të gjithë shqiptarëve kudo në botë, pasi përmbante të gjitha televizionet kombëtare dhe një larmi programacioni.

Tashmë do të ketë vetëm Top Channel. Klan dhe paketa e televizionit është larguar, çka duket se e bën Digitalb-in më të cunguar dhe jep shenjat se pas largimit të stafit dhe largimit të Klanit, duket se rrënimi i Digitalb-it, fatkeqësisht, është në sfond.

Dikujt i ka marrë “koka erë…”. Kush dihet pse po e bën këtë ende nuk mund ta themi, por një gjë është e sigurt: Prej disa kohësh, Vjollca Hoxha një nga aksioneret e Top Medias, ka filluar një konflikt të hapur me ish bashkëpunëtorët e Dritan Hoxhës.
Shumë prej stafit dhe njerëzve të Top Channel të cilët u larguan, më pas luftën e kaloi në Digitalb dhe tani, mesaduket, përplasja ka shkuar edhe drejt televizionit kombëtar Klan.

Përgjithësinë do ta shohin në ditët në vijim dhe në të ardhmen, ku mesa duket Digitalb nuk do të jetë më “On Top”, por pritet të jetë një platformë e cunguar televizive. /CNA.al