web counter
LEXO PA REKLAMA!

SHKARKO APP

App Store
Google Play

Zgjedhjet e 30 qershorit/ Zguri "ngel në klasë" KQZ

27 Korrik 2019, 08:58, Politikë CNA

Kreu i Komisionit Qendror të zgjedhjeve, Klement Zguri, ka votuar kundër në mbledhjen e sotme që pati KQZ lidhur me rezultatin përfundimtar të 30 qershorit.

Zguri argumenton se voton kundër pasi KQZ nuk ka treguar profesionalizëm dhe ka qenë e njëanshme në këto zgjiedhje.

Sipas Zgurit KQZ ka treguar një performancë të dobët dhe nuk dua që kjo që ndodhi me këto zgjedhje të kthehet në standard pune në të ardhmen, prandaj dhe ka votuar kundër.

?Problemi im është se përmes votës sonë duke pasur parasysh kulturën publike që me votën nënkuptojnë dhe cilësinë e zgjedhjeve, unë besoj se kjo merr një rëndësi tjetër. Vota nuk bëhet thjesht formale, por gjithsesi dua të them preokupim im është se përmes votës sonë kemi vënë dhe një notë për sjelljen e KQZ, performacën e KQZ. Unë besoj që KQZ në këtë proces zgjedhor përmes transparencës dhe kamuflimit, standardit ligjor dhe kundërstandardit, ligjshmërisë dhe arbitraritetit, neutralitetit dhe anshmërisë së qartë partiake për fat të keq në logjikën time KQZ ka zgjedhur të dytën.

Vota për këtë proces sigurisht që ngelet votë dhe për punën e KQZ. Me keqardhje e them e kam të pamundur për shkak të një performance të dobët të KQZ, të mundet ti japë një notë kaluese, për mua është e pamundur. Unë do të votoj kundër dhe për arsyen e thjeshtë sepse unë dua që kjo performancë por dhe të gjithë të zgjedhurit të mos kthehet në standard pune në të ardhmen. Nuk e dëshiroj këtë dhe një nga arsyet e votës kundër është pikërisht dhe kjo gjë.

Më duhet të them se është e dukshme, unë nuk bija dakord me shumicën, kolegët e mi, ndërkohë shpresoj shumë që kolegët,”- ka thënë Zguri./CNA.al





Lajmet e fundit nga