E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

"Me opozitën tënde, plehra e Tiranës shkon 100 vjet/ Demokratët "masakrojnë" Bashën

27 Korrik 2019, 07:25, Politikë CNA

Kreu i PD -së Lulzim Basha prej disa ditësh ka vijuar nëj tur në rrethe.

Dje ai është stacionuar në Sarandë dhe takimin me strukturat e PD e atje e ka ndarë në rrjetet sociale.

Mirëpo, demokratët dhe ndjekësit e tij në rrjetet sociale, i janë kundërpërgjigjur duke i thënë se nuk bëhet politikë, duke shpërndarë sa më shumë foto.

Madje ka pasur nga ata që e kanë karahasuar me kryebashkiakun e Tiranës Erion Veliaj.

Megjithëse, Basha nuk flet për Veliaj, vetëm ndonjë gjë tek tuk sa për të thënë që e atakoi.

“Shto fotografitë në facebook ti, kurse këta ja morën shpirtin vendit. Ju bëni garë me Erion Velinë për foto. Nëse i ke dalë për zot të bësh opozitën, bëje vëlla ndryshe hape krahun dhe lëre popullin ta zgjidhi vetë. Me këtë opozitën tënde Rama me këtë plehrën e Tiranës rrojnë dhe 100 vjet”, shkruar i irrituar një nga militantët demokratë.

Nuk është hera e parë që demokratët i kërkojnë Bashës të hapë krahun se ka dështuar.

“Zoti Basha si e djathtë që jam ju bëj thirrje të merni një vendim çfarë do bëhet se këta po ì marin bashkitë. Këta vetëm me revoltë ikin, se me “Rama ik”, nuk lëviz nga vendi ai. Çdo ditë po gllabëron prona private dhe po bën me popullin si t’i dojë qejfi. Kryesoni i si lider i joni, ose populli të marrë vetë fatin në dorë”, shkruan një tjetër demokrate.

Nuk mungojnë as leksionet për Bashën nga demokratët, duke iu referuar deklaratave të tij se kur të vijë në pushtet do t’i bëjë të gjitha.

“Që të bëhet Shqiperia si Europa duhet të filloj.. ka shumë punë fillon që nga ne shqiptarët në radhë të parë, mentaliteti 2, kultura , pastaj nga ju si politikan duhet të vendosni drejtësi, barazi e jo të vazhdoni prap me servila partie që ju vijnë nga mbrapa se duan punë ose për tendera. Duhet të zhduket njëherë e mirë kjo fjalë “jam miku i filanit” nëpër administrata, kur te shkojnë njerëzit e thjeshtë të respektohen edhe jo të shikohen me ironi si dele. Të trajtohen njëlloj si ai psh. kushëriri jo edhe një si fshatar i thjeshtë, po ashtu nuk duhet të ketë dallime se çfarë partie përfaqëson e shumë gjëra të këtij lloji që duhen shfarosur”.

Në këtë mënyrë i jep leksione një qytetar Bashës, i cili akuzohet nga demokratët se po shkatërron PD, çdo ditë e më shumë./CNA.al