web counter
LEXO PA REKLAMA!

SHKARKO APP

App Store
Google Play

E fundit!

x

“Batërdia urbane tek Teatri”/ Gazetari publikon përllogaritjet e frikshme

26 Korrik 2019, 14:45, Politikë CNA

Gazetari Helidon Tahir ka reaguar përmes një postimi në rrjetet sociale, lidhur me çështjen e Teatrit Kombëtar.

Duke bërë një krahasim mes truallit dhe sipërfaqes që ka zënë një ndërtim në Euro, gazetari zbulon se çfarë parashikohet realisht të bëhet në truallin rreth Teatrit.

Nëpërmjet një përllogaritje të thjeshtë Tahiri tregon se koeficenti i ndërtimit në këtë zonë është më shumë se 11 duke e bërë atë të duket një katastrofë e vërtetë.

Postim i plotë:

Batërdia Urbane me Kullat te Teatri.

Ajo qe po përgatitet të bëhet te trojet rreth Teatrit Kombetar, është katastofë. E pakrahasueshme me asnjë ndërtim tjetër në Evropë. Qoftë edhe me ndërtimet e qyteteve të mëdha, ku vlon biznesi. Për ta bërë më të qartë, po jap dy shembuj.

Canary Wharf quhet zona ku janë ndërtuar disa kulla në Londër. Sipërfaqja e kësaj zonë është 39 hektarë. Pra 390 mijë metra katrorë. Mbi këtë sipërfaqe janë ndërtuar 1.5 milionë metra katrorë ndërtim. Pra raporti i ndërtimit me sipërfaqen e truallit nuk i kalon 4.( 1.5 milion : 390 mijë).

Qendra Ndërkombëtare e Biznesit quhet zona në Moskë, ku janë ndërtuar dhe po ndërtohen kulla të larta. Rusët po ndërtojnë 2.5 milionë metra katrorë kulla, në një sipërfaqe trualli prej 600000 metra katrorë. Pra, afërsisht edhe këta, 4 metër katrorë ndërtim, në 1 metër katror truall.

Kullat te Teatri Kombëtar; Hapësira ku do ngrihen kullat është 5700 metra katrorë. Në këtë sipërfaqe do të ngrihen 6 Kulla, me sipërfaqe ndërtimore të përgjitshme prej 68 mijë metra katrorë. Pra koeficenti i mdërtimit është mbi 11.

Gjykojeni vetë tani se si do jetë zona te Teatri…
(E në vend që të gjykojnë betonin, rilindasit do më gjykojnë mua, se pëse nuk kam zëvendësuar “ë” me “ë”../CNA.al

 





Lajmet e fundit nga