web counter
LEXO PA REKLAMA!

SHKARKO APP

App Store
Google Play

"Shkrirja e Opozitës"/ Ish ministri zbardh skenarin e Ramës

27 Korrik 2019, 08:09, Politikë CNA

Ish Ministri i Drejtësisë në Qeverinë “Rama”, Ylli Manjani ka hedhur dritë mbi skenarin e Qeverisë për të kaluar në heshtje zgjedhjet  e 30 Qershorit.

Sipas Manjanit, Teatri u rikthye në vëmendje për të zbatuar qetësisht bashkitë e marrë në tavolinë, pra pa zgjidhje.

“Kam idenë se kjo çështja e Teatrit u risoll në vëmendje për të zbatuar “qetësisht” bashkitë e marra në tavolinë, pra pa zgjedhje.

Deri sa të përfundojë zbatimi i bashkisë së fundit ky do jetë avazi.

Ndërkohë të mos harrojmë zhgënjimin spektakolar që na dhanë gjykatës që legalizojnë pushtetin e vjedhur!

Të mos harrojmë gjithashtu se megjithse monopartiake, këto ishin votimet e para në histori që nuk kanë ende një rezultat zgjedhor.

Po marrin pushtet jo vetëm pa vota, por edhe pa rezultat zgjedhor. Herën tjetër, po vazhdoi kështu sdo ketë më as votime, por thjesht sondazhe”, ka shkruar Manjani në rrjetet sociale.

Teatri, sipas tij është karremi publik që u hodh për të shmangur vemendjen nga krimi zgjedhor dhe puçi që po ekzekutojnë me pushtetin lokal.

“Plani i tij është shkrirja e opozitës, jo qeverisja e drejtë e vendit.

Kështu mendon Ai se do ta shkrijë opozitën, por a do arrijë?!

Jam i bindur që është i mbaruar. Nuk i bën më derman as Sorosi e as Erdogani. Kurdo të jenë ato zgjedhje do ta shohë vetë katrahurën!

Sa më vonë, aq më keq për të”, ka shkruar më tej Manjani./CNA.al

 

 

 





Lajmet e fundit nga