web counter
LEXO PA REKLAMA!

SHKARKO APP

App Store
Google Play

"Genocid i heshtur"/ Çfarë paralajmëron Agron Duka

12 Korrik 2019, 11:36, Aktualitet CNA

Kreu i Partisë Agrare Ambientaliste, Agron Duka, i cili është njëherësh edhe aleat i kreut të Partisë Demokratike, Lulzim Basha ka reaguar lidhur me raportin e departamentit amerikan të shtetit.

Duka shkruan në rrjetet sociale se në këtë raport Shqipëria është vendi më i korruptuar i Ballkanit, kjo sipas OKB, do të sjellë edhe uljen e numrit të popullsisë që kreu i PAA e quan “genocid të heshtur”.

Postimi i Agron Dukës

Nëse raporti i Departamentit Amerikan të Shtetit, në të cilin nënvizohet se Shqipëria është vendi më i korruptuar i Ballkanit, është diagnostifikimi i një shoqërie të marrë peng, parashikimi i uljes së popullsisë i bërë nga OKB-ja është pasoja më katastrofike.
Vendi ynë rrezikon që në fund të këtij 100 vjeçari të ketë një popullsi të rrudhur me 62%. Kjo është edhe vjedhja e shekullit, vjedhje e së ardhmes së një kombi. Sigurisht, fajtorët për këtë skenar ogurzi nuk janë vetëm ata që sot mbretërojnë në shtetin monist, por e vërteta është se ata mbajnë përgjegjësinë kryesore në pengimin e zgjidhjes së një krize që, në një periudhë afatgjatë, do të ketë pasojat e një gjenocidi të heshtur. Një gjenocid që nuk po kryehet nga armiq të jashtëm, por nga njerëz që vendosin mbijetesën e tyre politike, përmbi mbijetesën e kombit.
Tani që e kemi të qartë se cila është e ardhmja që na pret, duhet të ngrihemi në lartësinë e kësaj sfide jetike për vendin. Duhet ndryshuar modeli politik dhe ekonomik i vendit, duhet të dalim nga spiralja e tmerrshme e krizave që ushqejnë kriza. Duhet një kontratë e re me shqiptarët, që të lejojë konkurrencën e ideve, dialektikën e shëndetshme politike, përfaqësimin e drejtë dhe të ndershëm të qytetarëve në organet vendimmarrëse. Koha është tani!/CNA.al





Lajmet e fundit nga