web counter
LEXO PA REKLAMA!

SHKARKO APP

App Store
Google Play

E fundit!

x

Haradinaj premton mbështetje për Proshenkon/ Del biseda me komikët rusë

12 Korrik 2019, 11:14, Aktualitet CNA

Kryeministri i Republikës së Kosovës, Ramush Haradinaj, është futur në kurth nga dy komikë rusë, Vladimir Kuznetsov (Vovan) dhe Alexei Stoljarov (Leksus).

Njëri prej tyre është prezantuar si ish-presidenti i Ukrainës, Petro Poroshenko, duke i thënë se pas zgjedhjeve presidenciale në Ukrainë, do ta njohë pavarësinë e Republikës së Kosovës në shkëmbim të mbështetjes së Haradinajt.

Në këtë bisedë telefonike të publikuar në Youtube nga ?Russia 24 tv?, Haradinaj i premton mbështetje ?Poroshenkos?, duke i thënë se do ta përkrahë publikisht përmes llogarisë së tij në Twitter.

?Shpresoj që gjithçka të shkojë mirë për ju, dhe jam i lumtur që mund t?ju uroj sukses për të dielën. Kjo është shumë e rëndësishme për shtetin, do të lutem për ju në të gjitha zgjedhjet?, ka thënë Haradinaj gjatë bisedës me njërin prej komikëve rusë, e për të cilin pretendonte se ishte Poroshenko.

Ndërkohë pas fjalëve të Haradinajt, ?Proshenko? i ka kthyer përgjigje duke i thënë se pas fitores do ta pranojë Kosovën si një shtet të pavarur.

?Po, dhe mendoj që pas fitores, unë do ta njoh Kosovën si një shtet të pavarur?, i është përgjigjur komiku rus.

Pas kësaj bisede të zhvilluar, Haradinaj i rënë në grackë ka publikuar një status në Twiterin e tij ku i ka uruar fitore në zgjedhje Petro Poroshenkos dhe kryeministrit të tij ?Vovan Lexusov?, shkruan gazeta Ekspres.

?I uroj popullit të Ukrainës zgjedhje të lira dhe demokratike. Për mikun tim Poroshenko dhe kryeministrin e tij të ardhshëm Vovan Lexusov dëshiroj fitore për të udhëhequr Ukrainën drejt rrugës së integrimit Euroatlantik. Populli i Kosovës dhe ai i Ukrainës qëndrojnë së bashku për liri dhe propsoritet?, kishte shkruar Haradinaj në llogarinë e tij në Twitter.

Pre e komikëve rusë ka rënë edhe kryeministri i Maqedonisë Veriore, Zoran Zaev, i cili ka treguar, gjithashtu, se ka qenë ai që ua ka dhënë numrin e Ramush Haradinajt, komikëve rusë.

Zaev në bisedë më ta dëgjohet teksa flet me frikë për idenë e ndarjes së Kosovës, duke thënë se Edi Rama, Hashim Thaçi dhe Aleksander Vuçiq kanë një plan për ta copëtuar Kosovën me mbështetjen e Rusisë dhe Turqisë./CNA.al





Lajmet e fundit nga