Zbulohet mashtrimi/ Veliaj bashkëpunëtor në pastrimin e parave të krimit?

12 Korrik 2019, 11:07, Aktualitet CNA

Një godinë katër katëshe tek sheshi ?Italia?, është shembur sot, ndërsa kryebashkiaku i Tiranës, Erion Veliaj e ka cilësuar këtë si ?çibani i fundit?.

Por, pas kësaj ka reaguar zëdhënësja e PD-së, Ina Zhupa, e cila publikon dokumentet sipas të cilave, leja për ndërtimin e kësaj godine është dhënë nga kryeministri Edi Rama, 17 vite më parë, kur ai drejtonte Bashkinë e Tiranës.

Në një deklaratë për mediat, Ina Zhupa akuzon Veliajn si mashtrues, ndërsa thekson se ?Kryemashtruesi Erion Veliaj që nuk kursen as jetën e femijëve për para, mashtroi edhe sot për të fshehur një aferë tjetër korruptive.

Lejen për ndërtimin e godinës në sheshin Italia, e ka firmosur Edi Rama 17 vjet më parë, kur drejtonte Bashkinë e Tiranës dhe Veliaj e di më mirë se kushdo këtë gjë.

Kjo leje, e dhënë nga Edi Rama, tani do t?u kushtojë shqiptarëve miliona euro kompensim financar.?.

Më tej, Zhupa tha se edhe pse kjo ndërtesë do të prishej, Rama dhe Veliaj e legalizuan.

?Vetem 4 muaj më parë, Rama dhe Veliaj, edhe pse e dinin se godina do të prishej, e legalizuan. Madje dy punonjës të ALUIZNIT u shkarkuan vetem sepse nuk pranuan legalizimin.

Pyetja eshte se kush është përfituesi i vërtetë i kompensimit financiar që do të bëhet për këtë godinë? Rama? Veliaj? Apo të dy?

Për të mbuluar të vërtetën dhe skandalin pas këtyre pyetjeve, Erion Veliaj zgjedh të bëjë atë që di më mirë, mashtruesin.?-tha Ina Zhupa.

Po ashtu zëdhënësja e PD-së, ngre dyshime se kryebashkiaku Veliaj është bashkëpunëtor parave të krimit nëpërmjet betonizimit të Tiranës.

?Propaganda bajate nuk e mbulon dot të vërtetën se Erion Veliaj është bashkëpunëtor në pastrimin e parave të krimit nëpërmjet betonizimit të Tiranës.

Kjo është një nga arsyet pse qytetarët e Tiranës refuzuan drejtimin e qytetit prej tij, njësoj siç refuzojnë qeverisjen e Edi Ramës. Ai do të jape shpejt llogari para drejtesise se pakapur dhe para qytetarëve shqiptare për çdo aferë kriminale, nga Teatri Kombetar dhe zhvendosja e Lanës, tek vrasja e Ardit Gjoklaj.?-tha Ina Zhupa.

Bashkëngjitur janë dy dokumente: