E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

"Në Shqipëri mori vetëm një stilolaps nderimi"/ Moderatorja shqiptare flet për vështirësitë e diplomimit të motrës së saj

12 Korrik 2019, 11:40, Aktualitet CNA

Dita e sotme është shumë e veçantë për moderatoren shqiptare, Fatma Haxhialiu e cila qau nga emocionet teksa shihte të motrën në ceremoninë e diplomimit. Përmes një postimi në Instagram, moderatorja tregoi ndër të tjera për gjithë vështirësitë financiare dhe shpirtërore me të cilat është përballur familja teksa e motra studionte jashtë vendit.

?Dita e sotme ka qenë një nga ato që shënohen në jetë, për gjithë emocionet që mbart.Nga ato ditë që shënohen në jetë dhe në shpirt ? e vogla ime ia doli të diplomohet. E vetmja studente e Shqipërisë si student ambassador.?

?Kur Jona mendonte aplikimet për universitet, e kishte ndarë mendjen që do të studionte jashtë, sepse në Shqipëri (ekselente në Petro Nin, mori nga Bashkia asokohe një stilolaps si nderim) nuk e gjente veten dhe kërkonte më shumë. Për fat të keq, asokohe familja ime ishte në gjendje shumë të vështirë ekonomike dhe i thamë me zemër të thyer që nuk kishim mundësi dhe se duhej të siguronte bursë të plotë nëse donte të studionte jashtë.?

Pasi fitoi gjysmë bursë në Suedi, Fatma shton se ?e motra vendosi të studionte jashtë duke e siguruar pjesën tjetër përmes punës?. ?Ishte 18 vjeçe dhe e vetme në një vend të ri, me fare pak lekë me vete dhe një telefon që nuk punonte mirë. Javën e dytë, na mori në telefon e tmerruar se kishte humbur 5 orë në mes të dëborës dhe nuk kthehej dot në konvikt. Pas 5 orësh, një çift të moshuarish më në fund e kishin shoqëruar në konvikt. Mbaj mend sa shumë kemi qarë.?

Pas një jave, e motra fitoi bursë të plotë në Groningen, qytet në Hollandë. ?U shpërngul atje dhe për 3 vite ka studiuar pafund për të mbajtur rezultatet në mënyrë që të mos humbiste bursën. Sot, punon asistente-pedagoge, merr pjesë në kërkime shkencore dhe të tjera projekte jashtë universitetit.?

Në fund, moderatorja shkruan se ?më shumë qau në diplomimin e të motrës, se me dhimbjet e lindjes?. ?Qaja nga lumturia, sepse sot të tre ja dolëm, secili në mënyrën e vetë, me gjithë vështirësitë tona, ashtu të vetëm duke mbështetur njëri-tjetrin. Ma, ba, ja dolëm. Faleminderit për gjithçka.?