web counter
LEXO PA REKLAMA!

SHKARKO APP

App Store
Google Play

E fundit!

x

Projekti për ndarjen e Kosovës/ Disa pyetje që “kryqëzojnë” Ramën

10 Korrik 2019, 10:10, Aktualitet CNA

Ish-kreu i grupit parlamentar të LSI-së, Petrit Vasili, ka reaguar në lidhje me përgjimet e publikuara të kryeministrit të Maqedonisë së Veriut, Zoran Zaev, ku ndër të tjera flitej edhe për projektin për ndarjen e Kosovës.

Në një deklaratë për mediat, ndërsa e quajti mjaft të rrezikshëm projektin për ndarjen e Kosovës, Vasili ka ?kryqëzuar? kryeministrin Edi Rama.

Vasili tha se ?Kryeministri Edi Rama ka qënë një mbështetës i vazhdueshem i kësaj sipërmarrje të rrezikshme politike dhe se kjo është konfirmuar tashmë nga një zërë zyrtarësh të lartë?.

Gjithashtu, Vasili i drejtoi edhe një sërë pyetjesh, kreut të qeverisë, mes të cilave:

?Pse Rama hesht, ndërkohë që Merkel është e qartë kundër projektit?

Kush e pengon Edi Ramën të jetë i qartë si Merkel?

Pse Edi Rama nuk e ka ndarë këtë shqetësim të lartë me partnerët strategjik ndërkombëtar ?

Por, Edi Rama ka zgjedhur të mos komunikojë dhe të rrezikojë stabilitatin e rajonit.

Kush e ka shtyrë dhe intersave të kujt i shërben kryeministri i Shqipërisë??.

Kujtojmë këtu se kryeministri i Maqedonisë së Veriut, Zoran Zaev ka rënë pre e disa përgjimeve të publikuara dy ditë më parë, ku ndër të tjera flet edhe në lidhje me marrëdhëniet mes Kosovës dhe Serbisë.

? Unë dua të ndaj një shqetësim që kam për diçka që po ndodh këtu në rajonin tonë, ku Presidenti i Serbisë dhe Presidenti i Kosovës, kanë nisur disa negociata për ndarjen e territoreve dhe ndryshimin e kufijve. Ne jemi shumë kundër kësaj, kancerlarja Merkel është shumë kundër kësaj, i gjithë rajoni është kundër sepse ne kemi frikë se ka disa qëllime të fshehura të Rusisë për të përdorur këtë si një praktikë ndërkombëtare.?-thotë ndër të tjera Zaev, në përgjime./ CNA.al





Lajmet e fundit nga