web counter
LEXO PA REKLAMA!

SHKARKO APP

App Store
Google Play

“Një muaj nga anullimi i zgjedhjeve”/ Reagon sërish Meta

10 Korrik 2019, 07:25, Aktualitet CNA

Presidenti Ilir Meta ka risjellë në vëmendje sërish sot dekretin e tij të 10 qershorit, nëpërmjet të cilit çdekretoi datën e zgjedhjeve vendore.

Në një postim në rrjetet sociale, Meta ndërsa ka ndarë me ndjekësit një takim me Presidentin e Maqedonisë së Veriut, Stevo Pendarovski, nuk ka lënë mënjeanë edhe mesazhet politike në lidhje me situatën në Shqipëri.

?Sot bëhet një muaj i shpërdoruar kot që nga dekreti për anullimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme.?-shkruan ndër të tjera Ilir Meta.

Postimi i plotë:

Kënaqësi e veçantë të takoja Presidentin e Maqedonisë së Veriut, z.Stevo Pendarovski. Të dy vendet tona duhet të bashkojnë përpjekjet për çeljen e negociatave për anëtarësim në tetor. Duhet të përfitojmë nga ky momentum mjaft pozitiv që ka krijuar Marrëveshja e Prespës, jo vetëm për Maqedoninë e Veriut.
Ndërkohë sot bëhet një muaj i shpërdoruar kot që nga dekreti për anullimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme.
Po kështu ishte kënaqësi të konstatoja vendosmërinë e Presidentit Pendarovski për të bashkëpunuar dhe përfshirë opozitën në dialog për çështjet themelore të shtetit dhe demokracisë./ CNA.al





Lajmet e fundit nga