web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Ish-ministri i Ramës vë në dyshim SPAK-un

10 Korrik 2019, 09:52, Aktualitet CNA

Ish-ministri i Drejtësisi në qeverinë ?Rama 1?, Ylli Manjani kritikon me forcë vendimet, sipas tij, abuzive që bën qeveria ndaj pronës publike dhe private, dëmet miliona euro reparacione nga gjykata e arbitrazhit, koncensionet.

Ndër të tjera, Manjani vë në dyshim edhe vërtetësinë dhe rëndësinë që ka SPAK duke shkruar në porstimin e tij në rrjetet sociale se kryeministri Edi Rama nuk ka frik nga SPAK.

“Dhe ai që qeveris këtë skemë kryekëput abuzive nuk ka frikë nga SPAK-u. Ndërkohë, të gjithë të tjerët duhet të kenë! Tani, o s’bën SPAK-u o s’shkon llogjika!” ka shkruar Manjani.

Postimi i plotë i Ylli Manjanit

Miliona euro PPP e Koncensione pa garë, pa leverdisshmëri ekonomike dhe abuzive.

Miliona euro të tenderuara keq, pa ligj e pa garë, disa prej tyre sekret. Shërbime e punë publike të blera shtrenjtë e shumë shtrenjtë.

Miliona të tjera euro reparacione nga gjykatat e arbitrazhet ndërkombëtare si rezultat e vendimeve abuzive të qeverisë. Shpesh të urdhëruara me telefon.

Miliona euro dëme nga gjykatat shqiptare për largimet e paligjshme nga puna.

Vendimmarrje kryekëput abuzive ndaj pronës publike dhe private.

Pa lënë mënjanë kanabizimin, trafikun e drogave dhe blerjen masive të votave. Ngjarje të jetuara dhe të faktuara tashmë.

Dhe Ai që qeveris këtë skemë kryekëput abuzive nuk ka frikë nga SPAK-u.

Ndërkohë, të gjithë të tjerët duhet të kenë!!!

Tani, o sbën SPAK-u o s’shkon llogjika!/CNA.al





Lajmet e fundit nga