web counter
LEXO PA REKLAMA!

SHKARKO APP

App Store
Google Play

Ndarja e Kosovës/ PD: Edi Rama ka tradhtuar kombin

10 Korrik 2019, 10:00, Aktualitet CNA

Partia Demokratike ka bërë një deklaratë për mediat ku ish-deputeti Aldo Bumçi, ka folur lidhur me projektin e shumëpërfolur të ndarjes së Kosovës.

Bumçi ka thënë se ky projekti për të cilin ka folur kryeministri i Maqedonisë së Veriut, Zoran Zaev, është tregues se fatet e kombit janë në duart e një grupi njerëzish të papërgjegjshëm.

Deklarata e Aldo Bumçit

Kryeministri i Maqedonisë së Veriut, Zoran Zaev pohon edhe një herë që projekti për ndarjen e Kosovës është i vërtetë, dhe ndryshe nga çfarë është përpjekur ta paraqesë Edi Rama si projekt i Perëndimit, në fakt ky është një projekt serb, që u shërben interesave serbe dhe ruse, si dhe qarqeve të caktuara që janë të interesuara për çdo lloj skenari ogurzi duke cenuar rëndë interesat e Kosovës.

Kjo është tradhti e lartë ndaj interesave kombëtare dhe mosdistancimi për asnjë moment i Edi Ramës nga ky projekt, dhe me keq akoma vazhdimi i mbështetjes së këtij projekti me deklarata dhe forma të tjera, edhe pas Samitit të Berlinit, tregon që Rama dhe bashkëpunëtorët e tij vazhdojnë me këmbëngulje në këtë drejtim.

Ky është një lajm ogurzi për Kosovën, Shqipërinë dhe të gjithë shqiptarët në rajon, që tregon se fatet e kombit janë në duart e një grupi njerëzish të papërgjegjshëm që për interesat dhe pushtetin e tyre personal janë gati të tregtojnë dhe të zhbëjnë arritjet historike që kanë ardhur nga sakrifica sublime.

Partia Demokratike u bën thirrje shqiptarëve dhe partnerëve tanë strategjikë SHBA dhe BE që të mos lejojnë zbatimin e këtij projekti anti-europian dhe anti-NATO që është kundër paqes, stabilitetit dhe bashkëjetesës në rajon dhe më gjerë./CNA.al





Lajmet e fundit nga