web counter
LEXO PA REKLAMA!

SHKARKO APP

App Store
Google Play

E fundit!

x

Petrit Fusha pastroi paratë e drogës?/ Zbardhen akuzat

29 Maj 2019, 12:58, Aktualitet CNA

Në muajin Shkurt të këtij viti, ish-kreu i Prokurorisë së Tiranës Petrit Fusha dha dorëheqjen nga sistemi i drejtësisë.

Në deklaratën e servirur për mediat, Fusha shkruante, se Prokuroria nuk  ishte më vendi, ku mund të shërbente, pas 32 viteve eksperiencë.

?Pas 32 viteve pune në shërbimin e Prokurorisë, çmoj se përvojën që kam mund ta përdor në dobi të një aktiviteti tjetër me më pak ngarkesë. Koha në të cilën po jetojmë është tejngarkuar me ngjarje e fenomene të drejta e të pa drejta?, njoftonte Fusha.

Por e vërteta rezulton krejt ndryshe. Burime që janë marrë me verifikimin e figurës së Fushës thanë për CNA.al,  se në momentin që ai ka kuptuar se do vihej nën hetime, për shkak të pasurisë dhe jo vetëm, ka nxituar të japë dorëheqjen.

Mirëpo, dorëheqja nuk e ka shpëtuar nga hetimet. Ka qenë ILDKPK që ka vënë alarmin pranë Komisionit të Vettingut në lidhje me pasurinë e dyshimtë të Fushës.

Më pas  Komisioni i Pavarur i Kualifikimit, ka referuar në Prokurorinë për Krime të Rënda raportin me rezultatet përfundimtare të hetimit administrativ, për ish-prokurorin Petrit Fusha.

CNA.al ka mësuar se ndaj Fushës, rëndojnë akuzat për fshehje të pasurisë, deklarim të rremë, falsifikimin dokumentash dhe pastrim parash.

Pozita e tij rëndohet edhe nga i vëllai, për të cilin policia Spanjolle ka lëshuar alarmin.

Në organet e drejtësisë në Shqipëri, kanë mbërritur informacione nga Policia Spanjolle, për përfshirjen e vëllait të Fushës në trafikun e drogës me dyshimin se ish prokurori mund të ketë pastruar paratë e drogës në Shqipëri.

Sulejman Fusha me emër të ndryshuar ?Sulejman Shkalla? një vit më parë,  është denoncuar edhe nga Partia Demokratike, në kohën që ai ndodhej në burgun ?Centro Pontanciario?, Villena Alicante në Spanjë.

Gjithashtu Petrit Fusha, dyshohet se mbylli dosjen e vrasjes së Ardit Gjoklajt, në favor të kryebashkiakut Erion Veliaj.

Janë të shumta skandalet për të cilat ai dyshohet dhe nëse do të bëhet drejtësi në këtë rast ai duhet të shkojë burg.

Fakti se në çfarë duarsh ka qenë Prokuroria e Tiranës, tregon se sa i kriminalizuar është sistemi i drejtësisë.

Nëse i shtojmë edhe hetimet që po zhvillohen ndaj ish Prokurorit të Përgjithshëm Adriatik Llalla, do të thotë, që Shqipëria ka qenë pa organ akuze. Të paktën pa një prokurori ligjore, por me një prokurori të inkriminuar.

Fusha, ndryshe është quajtur edhe “peshku i madh” 1 milion dollarësh.

Në deklaratën e pasurisë ai thotë se disponon një hotel 500 mijë USD në një truall me sipërfaqe 2000 m2, në fshatin Mjull-Bathore të Tiranës që i ka falur daja.

Gjithashtu më tej deklaron se motra dhe babai i kanë  dhanë 157 mijë USD për ndërtimin e godinës. Nga qiraja e hotelit ai ka deklaruar se fiton 54 mijë euro në vit.

Ndërsa, në vitin 2007, Fusha deklaron se ka shpenzuar 25 000 000 lekë, pasi ka ndërtuar një pishinë dhe ambiente ndihmëse në objektin bar-restorant.

Po në vitin 2007, Fusha ka deklaruar se daja i ka falur një tjetër pasuri të paluajtshme, 2050 m2 tokë arë. Edhe në vitin 2015 deklaron dhuratë nga prindërit një tokë arë me sipërfaqe 1750 m2 në Tiranë, me vlerë 600 000 lekë.

Nga viti në viti, rezulton se ai ka shtuar pasurinë, të cilën nuk ka mundi ta justifikojë dot, ndërsa nxitoi të jepte dorëheqjen.

Por, tashmë i duhet që këtë pasuri ta justifikojë përparë prokurorëve të Krimeve të Rënda, të cilët kanë në duar hetimet./CNA.al

Prokurori Petrit Fusha/ ?Peshku i madh? 1 milionë dollarë, i Vettingut

Petrit Fusha “vrau” Ardit Gjoklajn në bashkëpunim me Veliajn/ “Peshku i madh” drejt prangave

KPK dorëzon dosjen tek Krimet e Rënda/ Petrit Fusha nën hetime

“Peshku i madh” 1 milion dollarë/ Petrit Fusha i shpëtoi burgut?

Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD





Lajmet e fundit nga