web counter
LEXO PA REKLAMA!

SHKARKO APP

App Store
Google Play

Rekomandimi pozitiv i KE/ Mogherini: BE të mbajë premtimet

29 Maj 2019, 11:13, Aktualitet CNA

Përfaqësuesja e lartë për politikat e jashtme të BE, Federica Mogherini, ka folur sot lidhur me rekomandimin pozitiv që Komisioni Europian dha për hapjen e negiciatave të Shqipërisë dhe Maqedonisë së Veriut me BE.
Mogherini vlerësoi edhe njëherë arritjet e Shqipërisë dhe Maqedonisë së Veriut, përkatësisht në Reformën në Drejtësi dhe Marrëveshjen e Prespës.

Ajo i bëri thirrje BE që të mbajë premtimet e bëra në këto vende sepse përndryshe do të cenonte kredibilitetin e saj.

“Bashkimi Europian ka investuar shumë në vendet e Ballkanit Perëndimor, kemi patur arritje të rëndësishme në Shqipëri dhe në Maqedoninë e Veriut.

Marrëveshja historike e Prespës mes Maqedonisë së Veriut dhe Greqisë. Më lejoni të ritheksojë edhe njëherë zbatimin impresionues të Reformës në Drejtësi në Shqipëri. Përsa i përket mbështetjes për Bashkimin Europian, Shqipëria ka mbështetjen më të madhe për popullsi në BE.

Dua të them diçka për Turqinë, që mbetet një partner kyç për BE edhe pse qeveria turke i mbetet angazhimit për të qenë pjesë e BE, duket se rruga për në BE për ta sa vjen dhe po bëhet më e largët për shkak të vendimeve të qeverisë turke.

Procesi për hapjen e negociatave nga ana e Shqipërisë është një proces mbi bazën e meritës dhe mosmbajtja e këtyre premtimeve nga ana e BE do të dëmtonte kredebilitetin e Bashkimit Europian në këto vende.

BE duhet të përmbush premtimet që ka dhënë.” tha Mogherini ndër të tjera në fjalën e saj./CNA.al





Lajmet e fundit nga