Integrimi në BE/ Hahn: Rekomandojmë hapjen e negociatave për Shqipërinë

29 Maj 2019, 09:58, Aktualitet CNA

Komisioneri europian, Johannes Hahn ka prezantuar sot raportin për zgjerimin e Bashkimit Europian.

Komisioneri Hahn tha se ka patur përparim në Ballaknin Perëndimor, sidomos për Shqipërinë dhe Maqedoninë e Veriut, duke shtuar se Komisioni Europian i rekomandon këto dy vende për të hapur negociatat me Bashkimin Europian.

Shqipëria ka përparuar me Reformën në Drejtësi ndërsa Maqedonia e Veriut ka bërë marrëveshjen historike me Greqinë duke treguar se kërkon stabilitet në Ballkan.

Hahn shtoi se Serbia, Mali i Zi dhe Bosnja duhet të punojnë akoma më shumë për të marrë rekomandimin e KE për të qenë pjesë e Be.

“Pavarsisht sfidave po duken rezultate konkrete duke përmendur edhe samitin e parë të Ballkanit Perëndimor.

Shumë probleme mbeten lidhur me sundimin e ligjit, por duhet t?i japim mirënjohjen komisionit. Komisioni Europian kërkoi hapjen e negociatave me Shqioërinë vitin e kaluar. Me rëdësi është të raportojmë stabilitet dhe të anashkalojmë mosmarrëveshjet. Rasti më i mirë është marrëveshja mes Maqedonisë së Veriut dhe Greqisë.

Ballkani Perëndimor duhet të rrisë standardet e jetesës. Shqipëria dhe Maqedonia e Veriut kanë përqafaur reformat, Shqipëria ka arritur shumë me Reformën në Drejtësi dhe Maqedonia e Veriut në marrëveshjen me Greqinë.

Shqipëria është duke bërë reforma, transformim të rëndësishëm në fushën e drejtësisë. Ky është një shembull edhe për vendet e tjera. Të dyja vendet kanë bërë progrese. Në këtë bazë komisioni rekomandon hapjen e negociatave për të dy vendet. Kushti kryesor është reforma në drejtësi. Për sa i përket kapitujve 23-24. Të dyja palët duhet të japin kontribut

Komisioni Europian rekomandon që të hapen negociatat për Shqipërinlë dhe Maqedoninë e Veriut ndërsa Serbia dhe Mali i zi duhet të punojnë më shumë.

Kjo është paketa e fundit që unë prezantoj dhe dua të falenderoj të gjithë ata me të cilët kam bashkëpunuar në këto katër vite e gjysmë.

Pavarësisht nga zgjedhjet në BE, për të gjithë ata që lënë parlamentin e BE do vazhdojnë të jenë të angazhuar në këtë proces” tha Hahn/CNA.al