Si i “vrau” Berisha nga zyra ushtarët e Ramës

29 Maj 2019, 10:01, Aktualitet CNA

Në vitin 2013, kur në pushtet erdhi Partia Socialiste, krahu i djathtë i kryeministrit Rama ishin Saimir Tahiri, Damian Gjiknuri, Niko Peleshi, Arben Ahmetaj, Fatmir Xhafaj apo dhe Ditmir Bushati, por ndërkohë tashmë të gjithë kanë rënë ?dëshmorë?.

Të gjithë janë ?vrarë? pas akuzave të opozitës, dhe ia ka ?vrarë? Lulzim Basha nga zyra. Por, në fakt ?vrasësi? i vërtetë i tyre është Sali Berisha, sepse Lulzim Basha nuk ka as fuqi dhe as pontëncën për ta bërë këtë gjë.

Por, po të shikosh të gjitha skenarët, ka qënë Berisha denoncuesi i parë dhe më pas i ka tërheuqr zvarrë PD-në dhe Lulzim Bashën, deri në ?vrasjen? e të gjithë këtyre.

Kështu bëri fillimisht me ish-ministrin e Brendshëm, Saimir Tahiri duke thënë droga, droga, droga, dhe përfundoi me ikjen e tij.

Më pas vazhdoi me Fatmir Xhafajn, e cila nisi si një dosje serioze e përgatitur nga vetë PD-ja, por pastaj skandali ?Babale? ia uli peshën, por në fakt ishte vetë Berisha që ndërhyri e tërhoqi zvarrë atë dosje deri në largimin e Xhafajt.

Gjithashtu nuk ka ndalur denoncimet ndaj ish-ministrit të Infrastrukturës, Damian Gjiknuri apo sulmet ndaj ish-ministrit të Ekonomisë dhe Financave, Arben Ahmetajt, të gjithë ata që ishin krahu i djathtë i Edi Ramës.

Po ashtu nuk kanë pasë të ndalur sulmet as ndaj ish-ministres së Arsimit, Lindita Nikolla nga zyra e shtypit e PD-së, apo edhe ndaj ish-ministrit të Jashtëm, Ditmir Bushati, të cilët po ashtu ranë ?dëshmorë?, dhe Rama i largoi nga kabineti qeveritar.

Dëshmori i fundit është edhe kryebashkiaku i Durrësit, Vangjush Dakoja, i cili megjithëse kishte fituar kundër PD-së dhe Berishës apo Bashës që nga viti 2007 në çdo palë zgjedhje që ka pasur në Durrës, përjashtuar zgjedhjet parlamentare të 2009-ës.

Dako është ?dëshmori? i fundit i “vrarë” nga zyrat dhe nga konferencat e shtypit. Mesa duket Edi Rama e ka kompleks këtë dhe kjo është kuptuar nga Sali Berisha. Ia sulmon ashpërsisht njerëzit e tij, derisa ai i ?vret?.

Gjë e cila në fakt nuk ka ndodhur gjatë kohës që socialistët kanë qënë në opozitë. Berisha nuk i lëshonte njerëzit, ndërsa Edi Rama i ka lëshuar të gjithë një e nga një. Dhe po të shikosh listën me ata që ka ardhur në pushtet të gjithë kanë rënë dëshmorë.

?Qytetari dixhital? dhe zyra e Berishës vlejnë më shumë se Lulzimi, kunati, këshilltaret dhe palo opozita e Rebuplikës së re të marra të gjitha së bashku./ CNA.al