web counter
LEXO PA REKLAMA!

SHKARKO APP

App Store
Google Play

Dy qershori do jetë shumë më tepër se ç'keni parë/ Alibeaj paralajmëron dhunë?

29 Maj 2019, 12:03, Aktualitet CNA

Ish-deputeti i PD-së, Enkelejd Alibeaj në një deklaratë për mediat ka folur lidhur me procedimin penal që Prokuroria e Tiranës ka bërë kundër tij dhe disa ish-deputetëve të tjerë të Partisë Demokratike.

Alibeaj tha se kishin shkuar për të ndaluar dhunën që po ushtrohej nga policia mbi qytetarët.

“U ndodhëm përballë një agresioni i disa personave të dehur nga alkoli dhe nga pushteti i dhunës. Drejtori i Policisë, për të filmuar aktin që ju patë dhunoi deputetin Gent Strazimiri, ku njëri nga funksionarët kapi koburen.” tha Alibeaj ndër të tjera.

Lidhur me policinë, Alibeaj tha se Drejtori i Policisë, dhe shumë të tjerë ishin të integruar nga avujt e alkoolit ndërsa qytetarët dhunoheshin.

“Është detyrimi ynë juridik dhe politik për të shuar kërshërinë dhe për të dhënë më shumë dritë për atë që ka ndodhur.

Menjëherë pas protestës së 16 shkurtit ka ndodhur një valë e gjatë arrestimesh dhe shoqërimesh, dhunë ndaj protestuesëve, mbi 50 ishin të shoqëruar atë ditë.

Një grup deputetësh shkuam pranë drejtorisë së policisë së tiranës, sipas të drejtave dhe detyrimeve që kanë deputetët për atë që policia e shtetit ishte duke ushtruar ndaj qytetarëve.

Të penguar nga policët u pengua e drejta  jonë për të ndalaur valën e dhunës dhe terrorit që policia po bënte në mënyrë të padrejtë ndaj qytetarëve .

Deputeti ka të drejtë që të marrë informacion lidhur me një interes që ata kanë, më saktë neni 7 të ligjit të deputetit. U penguam më shumë se një orë prandaj shkuam në zyrën e drejtorit të policisë. Detyra e vetme që Drejtori i Policisë, dhe shumë të tjerë ishin të integruar nga avujt e alkoolit ndërsa qytetarët dhunoheshin.

U ndodhëm përballë një agresioni i disa personave të dehur nga alkoli dhe nga pushteti i dhunës. Drejtori i Policisë, për të filmuar aktin që ju patë dhunoi deputetin Gent Strazimiri, ku njëri nga funksionarët kapi koburen.

Dy qershori do të jetë shumë më tepër se ç’kanë parë, pavarsisht presionit të policisë së dehur.” tha Alibeaj në fjalën e tij./CNA.al





Lajmet e fundit nga