Jorida Tabaku jep alarmin: Ekonomia në ditë kritike

6 Maj 2019, 08:29, Aktualitet CNA

Ish-deputetja e PS-së, Jorida Tabaku, njëherësh dhe ish-kryetare e komisionit të ekonomisë, ka reaguar sot në lidhje me situatën ekonomike në vend.

Tabaku ka shkruar në rrjetet sociale se financat e vendit tonë janë në ditë kritike.

Shqiptarët janë duke u varfëruar shton ish-deputetja, duke nënvizuar se që prej fillimit të këtij viti 33 biznese në ditë kanë mbyllur dyert dhe qeveria po grumbullon më pak të ardhura.

Shifrat, sipas saj janë të frikshme pasi rreth 17 milion euro më pak ka mbledhur qeveria nga TVSH ndërsa taksa kombëtare rezulton të jetë mbledhur 13.3% më pak (8,4 mln euro më pak).

Postimi i plotë i Jorida Tabakut

Shteti duket sikur ka pushuar së ekzistuari! Financat në ditë kritike!

Ndërsa shqiptarët varfërohen në shumicë, aq sa 33 biznese në ditë që prej fillimit të këtij viti kanë mbyllur dyert e tyre, qeveria grumbullon më pak të ardhura. Janë 13 milionë euro që mungojnë në arkën e qeverisë dhe kampion në këtë rekord tëradhës të buxhetit e mban TVSH. Sipas të dhënave janë 17 milionë euro më pak të ardhura nga TVSH ndërsa taksat kombëtare (ku përfshihet dhe taksa e rrugës që dyfishon çmimin e naftës për shqiptarët) rezulton të jetë mbledhur 13.3% më pak (8,4 mln euro më pak). Mungesa e të ardhurave tregon shumë së pari mungesën e konsumit dhe situatën kritike të familjeve shqiptare, e së dyti dështimin me perfshirjen e biznesit te vogël në skemë.

Kjo mungesë e të ardhurave është shoqëruar edhe me mungesën e investimeve, por natyrisht jo kontratave koncesionare që qeveria vazhdon t?i mirëmbajë me kujdes. Nga buxheti dallohet se janë shpenzuar 23,7 mln euro më pak në raport me parashikimin nga ku 21,7 mln euro janëpara të munguara në shpenzimet infrastrukturore të qeverisë. Ulja e shpenzimeve kapitale do të thotë më pak investime nërrugë, infrastrukturë dhe që do të thotë më pak zhvillim.

Kjo gjendje është paralizim i situatës ekonomike dhe shpenzimeve të qeverisë. Ulja e investimeve do të thotë që qeveria ka reshtur së punuari pasi ulja e shpenzimeve është aq e madhe saqë ka paralizuar thuajse çdo funksion të qeverisë. Buxheti 2019 ka qenë një nga më të ulëtit në raport me shpërndarjen e fondeve për bujqësinë, arsimin dhe investimet infrastrukturore por dritëshkurtësia e qeverisë është e tillë saqë ka mbyllur rubinetit për çdo investim. Ndonëse përditë e njëjta qeveri mendon se si të tjetërsojë pronat publike, private dhe çdo fond publik në interesin e tyre personal që fshihet jo rrallë pas aksioneve tek oligarkët që sot qeverisin dhe komandojnë buxhetin, si 6 vite me rradhë.