web counter
LEXO PA REKLAMA!

SHKARKO APP

App Store
Google Play

Mashtronte duke u prezantuar si polic/ Qytetarët i bëjnë “gjëmen”

6 Maj 2019, 07:43, Aktualitet CNA

Një 42-vjeçar ka përfunduar në prangat e policisë, pas denoncimit nga qytetarët.

Mësohet se në pranga ka përfunduar shtetasi, A.Th., 42 vjeç, banues në Tiranë, me precedentë penal për veprat penale ?Vjedhja? e ?Mashtrimi?.

Burime zyrtare bëjnë të ditur 42-vjeçari, mashtronte qytetaret duke u prezantuar si punonjës policie.

Njoftimi i policisë:

Tiranë
Alo 112? Policia arreston një person që mashtronte qytetaret duke u prezantuar si punonjës policie

Shërbimet e policisë të Komisariatit nr.4, pas informacionit të marrë nga telefonata e një qytetari se një shtetas prezantohej si punonjës policie, menjëherë kanë organizuar dhe finalizuar operacionin për ndalimin e tij. Si rezultat u bë kapja dhe arrestimi në flagrancë i shtetasit A.Th., 42 vjeç, banues në Tiranë, me precedentë penal për veprat penale ?Vjedhja? e ?Mashtrimi?.

Në numrin unik 112 ka ardhur një telefonatë nga një qytetar se në rrugën ?Imer Ndregjoni?, një shtetas lëvizte me armë zjarri me vete dhe prezantohej si agjent i Policisë kriminale. Falë reagimit në kohë nga shërbimet e policisë është bërë konstatimi i shtetasit të denoncuar nga qytetarët në bazë të karakteristikave të dhënave.

Gjatë kontrollit fizik të ushtruar këtij shtetasi, policia i gjeti një armë zjarri pistoletë, një dokument policie me gjeneralitetet A.Th. dhe pranga metalike, të cilat u sekuestruan në cilësinë e provës materiale.

Materialet iu referuan për veprime të mëtejshme Prokurorisë së Rrethit Gjyqësor Tiranë.





Lajmet e fundit nga