web counter
LEXO PA REKLAMA!

SHKARKO APP

App Store
Google Play

Procesi i integrimit të Shqipërisë/ Senatori italian kritik ndaj Opozitës

30 Prill 2019, 15:23, Aktualitet CNA

Sekretari i Përgjithshëm i Partisë Socialiste, Taulant Balla, ka  zhvilluar sot një takim me Senatorin italian Luciano D?Alfonso, anëtar i Komisionit parlamentar të Çështjeve Rajonale, njëherazi President i seksionit dy palësh të Grupit të Miqësisë Itali dhe vendet e Ballkanit.

“Fokus i bisedës sonë ishte procesi i integrimit europian të Shqipërisë dhe hapat e ndërmarrë nga qeveria për këtë proces. Italia është një prej mbështetësve kryesorë për hapjen e negociatave dhe rrugën europiane të Shqipërisë”, ka zbuluar temën e bisedës, Balla në rrjetet sociale.

?Është shumë e rëndësishme të kuptojmë se Italia mbetet një mbështetës kryesor i rrugës evropiane të Shqipërisë. Pozicioni i Italisë është shumë i qartë në favor të hapjes sa më shpejt të negociatave mes Shqipërisë dhe Maqedonisë së Veriut nga njëra anë dhe Bashkimit Europian nga ana tjetër?, ka thënë ndër të tjera Balla.

Sipas tij,  senatori D?Alfonso e vlerësoi së tepërmi punën e bërë nga Qeveria shqiptare në drejtim të agjendës së integrimit të vendit në BE.

Gjithashtu ai është shprehur i keqardhur për vendimin e opozitës për braktisjen e Parlamentit.

?Më  vjen keq që bën lajm fakti që disa subjekte politike kanë vendosur që të ndërpresin këtë vullnet bashkëpunimi ashtu siç e kërkon demokracia. Duket sikur nuk ka një proporcionalitet midis sjelljes së zgjedhur dhe rëndësisë dhe sasisë së çështjeve. Në politikë, në institucione, në demokraci duhet të jemi gjithmonë në proporcionalitet. Në qoftë se ka një problem, merren masat dhe gjendet një zgjidhje”, është shprehur senatori D?Alfonso./CNA.al

 

 





Lajmet e fundit nga