E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Furgoni” i Lulzim Bashës/ Kryetarët pa parti, që nuk i votojnë as familjarët

30 Prill 2019, 09:12, Aktualitet CNA

Një ditë më parë, kryetarët e pesë partive aleate të Lulzim Bashës, Fatmir Mediu i Partisë Republikane, Nard Ndoka i PDK, Vangjel Dule i PBDNJ, Dashamir Shehi i LZHK dhe Agron Duka i PPA-së, në një deklaratë të përbashkët për mediat, propozuan një marrëveshje që sipas tyre do të zgjidhte krizën politike.

Aleatët e Lulzim Bashës po i luten presidentit Meta, që ti ulë në një tryezë për të dialoguar për zgjidhjen e krizës.

Disa kryetarë të vetmuar pa parti, që nuk i votojnë as familjarët e tyre, mjafton t’u shikosh qëndrat ku votojnë dhe që kanë vota me pak se autobuzi i linjës së Lushnjes, se Unaza ka shumë, dalin e vënë kushte për zgjedhjet e propozojnë edhe marrëveshje.

Taksia apo furgoni i Lulit, që kanë gjithë jetën kryetarë, por që nuk kanë parti, që nuk bëjnë zgjedhje por vetëm ngrijnë dhe shkrijnë njëlloj, si Lulzim Basha, mesa duket të penduar për djegien e mandateve, dhe sot i luten Metës për takim.

Janë këta aleatë, që kanë shërbyer jo vetëm si grabitës mandatesh të PD-së, por dhe si shkaktarë të deformimeve të forta të demokracisë brenda saj, duke u bërë gardianë të Lulzim Bashes, në shkëmbim të vendit të tyre në parlament.

Nëse duhet gjykuar dikush për humbjen e thellë të PD-së dhe deformimet brenda saj, pas Lulzim Bashës, janë këta të pestë.

Nard Ndoka i Demokristianëve, të cilët kanë katandisur me nja gjashtë a shtatë parti, dikur ministër i Berishës, në 21 janar ishte me pushkë kundër tij, sot firmos me Lulin dhe ka vota më pak se një këngëtar tallavaje në një sallë të mbyllur.

Më tej, janë Fatmir Mediu i Gërdecit apo edhe Dash Shehi, dikur të akuzuar si tradhëtarë.

Agron Duka, kreu i partisë Agrare, ish-ministër i Fatos Nanos, ish-sekretar i Edi Ramës, i cili mori drejtimin e PAA-së në 2016-ën, dhe që Basha nuk i dha as mandat deputeti ndoshta është i vetmi në atë koalicion me vota personale.

Vangjel Dulen, i cili mori një PBDNJ me gati 80 mijë vota dhe e katandisi në partiçkë, që shkonte nga Nano tek Berisha, tek Rama e tek Basha, për inat të Shpëtim Idrizit. Por, së fundi çuditërisht duket se Luli i ka bërë bashkë çamët dhe grekët.

Këta janë aleatët e Lulzim Bashës, që janë kryetarë partish, por që nuk kanë parti, nuk kanë kryesi dhe nuk i voton askush./ CNA.al