E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Faktet/ “Aleanca e qelbësirave”, nga Rama tek Lulzim Basha

30 Prill 2019, 12:32, Aktualitet CNA

Zgjedhjet e vitit 2013 nxorën Partinë Demokratike në opozitë, ku koalicioni i Rilindjes mori një milionë vota, ndërsa demokratët dhe aleatët e tyre 680 mijë.

Pas humbjes në zgjedhje, Sali Berisha, lideri historik i PD-së, dha dorëheqjen dhe me një garë formale me shumë akuza dhe manipulime, Lulzim Basha u zgjodh kryetar i kësaj force politike.

Mënjëherë pas kësaj ngjarjeje erdhi dhe seanca e parë parlamentare dhe qëndrimi i Berishës, i cili deklaroi publikisht se në 2013 atë e rrëzoi aleanca e qelbësirave, të cilët Edi Rama i mblodhi ku mundi për ta rrëzuar nga pushteti.

Ai e quante parlamentin e dalë nga zgjedhjet e Qershorit 2013 si ?Parlamenti i ?Aleancës së Qelbësirave?.

?Të dashur qytetarë, krerët e ?Aleancës së Qelbësirave? Rama ? Meta kanë për ju konferencat, ndërsa për vete garën për ndarjen dhe vjedhjen e pasurive publike?, shkruante Berisha në një nga postimet e tij në shtator të vitit 2015.

Ka shumë qëndrime dhe komente të ish-kryeministrit për ?Aleancën e Qelbësirave?, që nga kryesorët ishin aleatët politikë të Edi Ramës.

Sot pas zgjedhjeve të vitit 2017-ës, ku ?Aleanca e Qelbësirave nuk ekziston më si term në zhargonin politik të Doktorit, le të hedhim një sy se ku janë aleatët e Ramës në 2013 dhe ?Aleanca e Qelbësirave? të atij viti.

Në zgjedhjet e 2013-ës, Edi Rama dhe Rilindja kishin aleat kryesor LSI dhe Ilir Metën që e zgjodhën edhe kryetar Kuvendi e më pas president. Meta shkoi tek Rama pas ngjalave në Gjirin e Lalzit dhe i la peshqesh Berishës 4 viktima në Bulevardin Dëshmorët e Kombit dhe bllokun e tij të korrupsionit.

Një tjetër aleat i rëndësishëm i Edi Ramës në ato zgjedhje ishte edhe Vangjel Dule i PBDNJ-së, që nga viti 2009 në krah të Rilindjes. Më pas zgjidhet nën/kryetar Kuvendi dhe largohet, kur Rilindjes i bashkohet Shpëtim Idrizi, tani të dy janë aleatë të Lulzim Bashës.

Ka dhe shumë faktorë të tjerë lokalë dhe qëndrorë, deputetë, kryebashkiakë, apo personazhe si Gazmend Oketa, që në atë kohë ishin në krah të Rilindjes dhe pjesa thelbësore e ?Aleancës së Qelbësirave?, të cilët rrëzuan PD-në dhe Berishën nga pushteti. Sot të gjithë këta personazhe që përmendëm më lart, që ishin faktorët kryesore për ardhjen e Rilindjes në pushtet janë në krah të Lulzim Bashës.

“Aleanca e Qelbësirave” të Rilindjes tani është “Aleanca e Qebësirave” të Republikës së Re të Lulzim Bashës./ CNA.al