E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Sfida e Arian Galdinit: Kërkohet një deputet!

30 Prill 2019, 13:13, Aktualitet CNA

Kryetari i LDE, Partia për Liri, Demokraci dhe Etikë, Arian Galdini ka bërë një deklaratë surprizë sot.

Mesa duket i lodhur dhe i zemëruar me pamundësitë që po has partia e tij për të marë pjesë në zgjedhje, për shkak të Kodit Elektoral të cilin Galdini e konsideron si Kodi Kriminal Privat Antiliri Elektoral PD – PS, pedagogu dhe kreu i LDE ka bërë publike edhe sfidën e tij më të fundit.

Ja edhe postimi i plotë i Arian Galdinit në rrjetet sociale:

Edi Rama e ka Parlamentin sot, vetëm për vete.

Edi Rama e ka edhe Opozitën e Parlamentit sot, vetëm për vete.

Kërkohet 1 deputet, vetëm 1 deputet që ka lirinë dhe nuk është i/e kapur që të firmosë për LDE që të hyjë në zgjedhje.

Kërkohet një deputet/e i sapobetuar që ti japë firmën LDE që ne si parti e djathtë opozitare të kemi mundësi që të hyjmë në zgjedhje.

Pas kaq shumë ditësh negociata papushim që paralelisht me sprovën e Grupeve tona të Punës për mbledhjen e firmave mbêshtetëse, jemi përpjekur që të adoptojmë një nga deputetët e sapobetuar rishtazi, ja ku po detyrohemi të bëjmë këtë thirrje publike.

Të dashur deputetë të sapobetuar,

A e keni marë mandatin për ti shërbyer Kombit, Atdheut, Paqes, Properëndimorizmit?

A e keni marë mandatin për ti thënë JO, djegies së mandateve dhe bojkotit të zgjedhjeve nga Opozita?

A e keni marë mandatin për tu bërë thirrje shqiptarëve që të marin pjesë në zgjedhjet lokale të 30 qershorit?

Ja ku e keni shansin ta provoni këtë.

LDE është partia e parë dhe e vetme e djathtë dhe opozitare që ka shprehur pikëpamjen e saj të qartë kundër djegies së mandateve, kundër bojkotit të zgjedhjeve.

Kërkojmë vetëm 1 deputet/e që të na japë firmën në formularin e regjistrimit në KQZ, që LDE të ketë mundësinë të hyjë në zgjedhje.

Ja ku është prova, ja ku është sprova.

Po nuk u gjet asnjë deputet që të na e japë firmën, atëherë ti rroni Edi Ramës o deputetucë….

Se kështu, me këto mend e si duken bathët Edi Rama edhe zgjedhjet e 30 qershorit i dashka vetëm me vete, vetëm për vete.