E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli ...

Fjalimi i Ditmir Bushatit/ Shpresë për mendimin ndryshe

3 Prill 2019, 19:59, Aktualitet CNA

Ish zv.ministrja e Financave, Irena Beqiraj, në një postim në rrjetet sociale ka komentuar fjalimin e ish ministrit të Jashtëm Ditmir Bushati ditën e sotme në Parlament.

Beqiraj e quan fjalimin e fortë të Bushatit si shpresë për mendimin ndryshe.

Postimi i plotë:

Nëse në një tavoline të gjithë mendojnë njësoj, asnjë nuk është duke menduar gjatë!!

Fjalimi i Ditmir Bushatit sot ne Parlament ishte një dritë për shpresën e ekzistencës së mendimit ndryshe, një thirrje për ti vendosur gishtin kokës. Asnjëherë nuk është vone.

Shumëkush përciptazi, i zënë ne kurthin e mentalitetin ?o me ne o kundra nesh? mund ta shikoje si kundërvënie karshi Lidershipit. Ne fakt, është një shërbim i bërë me guxim jo vetëm Partisë Socialiste e lidershipit të saj, por Popullit Shqiptar.

Zgjohuni socialistë! Ky vend nuk ka nevojë për shkëmbime batutash, pa kripë e të sforcuara, me deputetët opozitarë të ardhur prej procedurës por jo prej demokracisë, të cilëve zëri u dridhet e nuk rrinë dot as drejt në foltore kur kuvendojnë, duke të kujtuar me së shumti nxënësit e dobët para mësuesit.

A nuk jeni lodhur duke përsëritur mekanikisht fjali pa kuptim e klishe si: ?ulemi për dialog, por jo për negociatë?!? Po a nuk më thoni, cili është precedenti i rrezikshëm i cili nuk duhet të ndodh se ndryshe ndodh katastrofa me demokracinë?

Po si ka mundësi që rrini neper karrige duartrokisni edhe nuk mendoni që edhe pse është tërësisht fajtore, opozita që ka lënë shtëpinë si një bashkudhëtare e keqe, ju sërish nuk mund të largoheni nga detyrimi për te gjetur zgjidhje urgjente për të mirën e familjes tonë të përbashkët, Shqipërisë.

Ditmiri tregoi sot se mendon ndryshe, kurrsesi që është kundra një individi, qoftë ky edhe lideri i partisë . Ditmiri përcolli mendimin e shume shqiptareve me mendje te ftohte e dy pare tru ne koke, që kemi nevojë për zgjidhje e jo për karshillëk, për retorikë, shaka që nuk bëjnë me kërkënd për të qeshur, përkundrazi trishtojnë .

Nuk jemi pa zgjidhje, nëse mësojmë të dëgjojmë edhe pranojmë mendimin ndryshe./CNA.al