Shënim/ Ditmir Bushati si shpresë për socialistët kundër Rilindjes

3 Prill 2019, 18:45, Aktualitet CNA

Një fjalim i fortë në Parlament, një apel ndaj ?senatorëve? socialistë. Një zë që foli ndryshe dhe kumboi menjëherë pas Kryeministrit, i cili po shpalltë fitoret e rradhës së qeverisë që drejton dhe ecjen e saj përpara, pa opozitën.

Kur kjo bëhet nga një ish Ministër dhe aktor i rëndësishëm për socialistët dhe vetë “Rilindjen”, duket se vërtet për socialistët ka një shpresë.

Jo vetëm për faktin se ky zë kërkoi që gjerat të ishin ndryshe dhe, pas 30 vjetësh, Shqipëria nuk ishte atje ku duhej, por sepse e vërteta u tha troç, me kurajo. Duke treguar se ka ende njerëz dinjitozë që mund të flasin kundër kryetarëve autokratë e të gjithëpushtetshëm, që prodhon sistemi ynë politik.

Ditmir Bushati ishte zëri i sociaslistëve. Ishte shpresa e tyre dëshmuese se “Rilindja” nuk do e shkërmoqë deri në fund partinë e tyre tradicionale, duke e kthyer në vegël të interesaxhinjve dhe abuzuesve joanonimë që përzgjidhen si elitë nga Kryetari.

Problemi me Bushatin nuk qëndron vetëm tek fakti se iku nga ministër dhe në vend të tij, apo në shumë institucione të tjera, u emëruan torollakë e anonimë politikë, por tek e ardhmja që duket e zymtë dhe pa shpresë. Ngjashmërisht me këto 30 vite tranzicion, që ende nuk po përfundojnë.

Zëri i Ditmir Bushatit sot, nga foltorja e Parlamentit, vërtetoi dhe deklaratën e mikut të kryeministrit, Baton Haxhiut, i cili, disa javë më parë, tha se Ditmir Bushati ishte një kundërshtar i Edi Ramës.

Në fakt, me fjalimin e tij sot, Bushati doli hapur kundërshtar i “Rilindjes” dhe i trashëgimisë që kërkon ti lerë Rama asaj partie.

Ishte një zë i fortë, kundër asaj që po ndodh brenda në PS, një zë i fortë, kundër lënies së trashëgimisë socialiste tek Erion Veliaj.

Tani ngelet vetëm të shohim nëse Ditmir Bushati do jetë shpresa e vërtetë e socialistëve, apo edhe ai do dalë jashtë PS dhe do humbë si Ben Blushi.

Pasi historia e kohës socialiste ka treguar se kundërshtarët e kryetarëve në PS kanë dalë jashtë partisë. Gjë që, këtë herë, edhe mund të mos ndodhë, nga që përtej qënies së Ditmir Bushatit një politikani “inatçi”, qëndron një diplomat i shkëlqyer./CNA.al