web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri Rama sulmon rektorin e UT/ "Është më rehat se çdo mbret"

3 Prill 2019, 17:45, Aktualitet CNA

Kryeministri Edi Rama ka qenë ditën e sotme në një takim me studentët dhe pedagogët në Universitetin e Ekonomikut.

Rama bashkëbisedoi mbi ecurinë e Paktit për Universitetin, ndërkohë që studentët ngritën shqetësime të ndryshme.

Kryeministri e drejtoi gishtin për këto probleme nga rektori i Universitetit të Tiranës, Mynyr Koni. Ndërsa shtoi se Koni qëndron në postin e tij më rehat se sa një mbret për shkak të autonomisë që kanë universitetet shtetërore.

?Biblioteka dixhitale është e paaksesueshme dhe shkak është rektorati. Më e bukura në gjithë këtë histori ju jeni si ata që pinë kafe në anën lindore të Berlinit, që çdo gjë e kërkonin nga qeveria. Kjo është pjesa e keqmenaxhimit të UT nga rektorati dhe me keqardhje po e them nga rektori. Nuk është mbret por është më rehat se çdo mbret. Unë besoj personalisht, që ligji aktual i arsimit të lartë, fuqia që ligji i jep të gjitha strukturave të tjera janë të mjaftueshme pa llogaritur fuqinë që ka çdo student që e patë vetë kur bëheni bashkë që rektori reago brenda 24 orësh. Kjo është rruga më e shëndetshme, dhe do të vendosë një standard tjetër sjellje të rektorit dhe rektoratit me gjithë pjesën tjetër. Se ka ndodhur protesta dhe i vetmi që nuk e ka marrë vesh dhe rrezik akoma nuk e di, është rektori. Kjo është pikëpyetje në radhë të parë për ju si studentë. Rektorin e keni aty, më afër se Ministria. Sidoqoftë nuk është për të shmangur përgjegjësinë por për të shpjeguar dhe ilustruar që autonomia është edhe përgjegjshmëria juaj?,- tha Rama.

Ndërkohë që studentët kërkuan shkarkimin e Rektorit, Rama tha se ai është zgjedhur nga vetë ata.

?Rektorin e keni zgjidhur ju, jo ne. Duhet të përgjigjet para jush por ka edhe fatin që kur ju duhet të shkoni tek ai, niseni tek ministria dhe ai rri atje. Unë besoj se ligji i ri i Arsimit të Lartë i jep fuqi senatit dhe strukturave të tjera, pa llogaritur fuqinë që ka çdo student, që kur bëheni bashkë rektori reagoi brenda 24 orësh. Kjo është rruga më e shëndetshme, do vendosë një standard tjetër sjelljeje të rektoriatit me gjithë pjesën tjetër. E vetmja gjë pa asnjë lëvizje në asnjë drejtim nga gjithë ajo që u krijua nga protesta e studentëve ështe xhaketa e rektorit të UT?,- tha Rama. /CNA.al

 





Lajmet e fundit nga