web counter
LEXO PA REKLAMA!

SHKARKO APP

E fundit!

x

Foto-Tensione para parlamentit/ Vokshi akuza policisë

28 Mars 2019, 09:07, Aktualitet CNA

Protesta e sotme e opozitës është shoqëruar me tensione të forta që në nisje të saj.

Përplasjet janë shënuar në fillim, pasi banorët që kundërshtojnë projektin e Unazës së Re, kanë tentuar të çajnë gardhin metalik në pjesën e ministrisë që lidhet me pedonalen.

Një hapësirë e rrethuar me forca policie për të garantuar kalimin e deputetëve përmes pedonales drejt Parlamentit, për tju bashkuar seancës plenare.

Forcave të rendit i janë bashkuar edhe efektivët e Shqiponjave, të cilët i kanë larguar protestuesit nga gardhi rrethues. Në ministrinë e Brendshme sot mbërrin një delegacion holandez për një takim që do të mbajnë me ministrin Sandër Lleshaj.

Ndërkohë, protestues të ndryshëm kanë tentuar të çajnë kordonin e policisë tek ministria e Brendshme. Disa gra janë ndaluar nga punonjëset e policisë, për t’i larguar menjëherë nga rrethimi i sigurisë.

Ish-deputetja Albana Vokshi, në një prononcim për mediat ka hedhur akuza të forta ndaj policisë, e cila sipas  saj po i pengon të protestojnë.

?Jemi protestues paqësor. Kemi marrë leje dhe askush nuk na ndalon dot. Parlamenti sot është i rrethuar nga qytetarët. Policia ka ushtruar dhunë ndaj grave dhe vajzave. Nuk po na lejon të protestojmë paqësisht?-tha ndër të tjera Vokshi.





Lajmet e fundit nga