web counter
LEXO PA REKLAMA!

SHKARKO APP

App Store
Google Play

E fundit!

x

Seancë dhe protestë/ Çfarë pritet të ndodhë sot para parlamentit

28 Mars 2019, 08:02, Aktualitet CNA

Ashtu sikurse ishte lajmëruar më parë, opozita edhe sot do të vijojë të protestojë para parlamentit, krahas seancave plenare

Seanca parlamentare pritet të fillojë në orën 10:00 dhe njëkohësisht me të edhe protesta e opozitës para parlamentit.

Kjo është protesta e shtatë e opozitës dhe sipas paralajmërimeve të drejtuesve të partive opozitare ajo do të vijojë sa herë që në Kuvend të ketë seancë plenare.

Ndërkohë që Kuvendi pritet që të vijojë normalisht punimet, teksa do të betohen edhe tre deputetët që morën mandatin dje nga Komisioni Qendror Zgjedhor.

Pjesë e rendit të ditës të seancës së sotme janë ndryshimet në ligjin për vettingun në polici, si dhe një ratifikim marrëveshjeje financimi.

Por, edhe pse protesta e opozitës është lajmëruar se do të mbahet para parlamentit, masa ka marrë edhe Kryeministria.

Hyrja e selisë së qeverisë është vëshur me pllaka metalike. E njëjta metodë u ndoq edhe në protestat e shkuara, disa prej të cilave kanë degjeneruar në dhunë.

Por, kësaj radhe flitet për një numër më të ulët policësh në ruajtje të rendit. Nuk do ketë as bote uji në gatishmëri. Ndërkaq në oborrin e xhamisë së Namazgjasë do të jenë të dislokuara FNSH-të.

deputetët do të hyjnë nga pedonalja, e cila do të jetë e e rrethuar me efektivë të Policisë së Shtetit dhe Gardës së Republikës.

Godina e Parlamentit do të vijojë të jetë e rrethuar me kamera për të fiksuar të gjithë protestuesit e opozitës që mund të shfaqin shenja dhune. Gjithashtu, dera që lidh selinë e Partisë Demokratike me sallën e Parlamentit do të vijojë të jetë e bllokuar edhe përgjatë ditës së sotme.

 





Lajmet e fundit nga