web counter
LEXO PA REKLAMA!

SHKARKO APP

App Store
Google Play

Diplomacia e vdekur/ Ambasadat shqiptare në botë, turpi i Zotit

27 Mars 2019, 20:45, Aktualitet CNA

Fshesa masive e ndërmarrë në Ministrinë për Evropën dhe Punët e Jashtme, ka sens dhe përmbajtje pozitive. Kjo për faktin se diplomacia shqiptare ka nevojë urgjente për një riformatim që të dalë nga gjëndja e vdekur. Sepse është pikërisht kjo gjëndje skandaloze që ka sjellë qënien e ambasadave shqiptare nëpër botë për turp të Zotit.

Vlerësimi vjen nga avokat-politikani, Spartak Ngjela, i cili, megjithatë, shpreh rezerva kur thotë se Cakaj nuk na ka treguar se cila është Reforma.

Analizën e tij Ngjela e ka bërë nga ekrani i intervistës së mbrëmjes në TV “Ora News”, ku ka qenë i ftuar.

“Që diplomacia shqiptare ka qenë një diplomaci e vdekur kjo nuk diskutohet, që Ambasadat në botë janë turpi i Zotit dhe kjo nuk diskutohet. Që diplomatët shqiptarë paguhen më pak në gjithë botën kjo nuk diskutohet, që diplomatët shqiptarë nuk i kanë dhënë asgjë Shqipërisë dhe kjo nuk diskutohet. Mirë bën që i heq, të shikojmë ku e ka platformën e ngritjes intelektive, ku e ka doktrinën e  tij për zëvendësimin e tyre, të shikojmë.

Po mori kalamaj dhe futi atje, nuk ka asnjë gjë. Gjendja e diplomacisë shqiptare është në krizë.Bën mirë që bën reformën por nuk na ka treguar se cila është reforma. Mbase do të që tu japë privilegje njerëzve të tij, unë dua të shoh reformën.Më kë do ti zëvendësojë, nuk e di”,- ka thënë Spartak Ngjela./CNA.al





Lajmet e fundit nga