E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Pranoi mandatin e deputetit/ Alimadhi: Basha na tradhtoi

22 Mars 2019, 12:18, Aktualitet CNA

Kreu i Ballit Kombëtar, Adriatik Alimadhi foli lidhur me vendimin për të pranuar mandatin. Ai tha se vendimi për të pranuar mandatin nuk është një tradhëti ndaj PD-së, por një vendimarrje politike në të mirë të vendit.

Duke folur për Report TV, Alimadhi theksoi më tej se Balli Kombëtar nuk ka marrë pjesë në vendimarrje për djegien e mandateve dhe nuk është pyetur nga Partia Demokratike lidhur me këtë akt.

“PD nuk e ka respektuar marrëveshjen me partinë që unë drejtoj. Bashkëpunimi me ne lë shumë për të dëshiruar. Partia Demokratike na ka tradhëtuar historikisht. Kjo nuk është në tradhëti e Ballit Kombëtar, është një vendimarrje politike. Ne nuk kemi qenë pjesë e vendimit për djegien e mandateve. Veprimet politike këto 28 vite kanë qenë ekstreme. Nuk është koha për të djegur mandatet.

Po të na kishin pyetur do ta kshim dhënë mendimin tonë. Një vend anëtar i NATO-s dhet të respektojë parimet demokratike. Në Shqipëri mendësia komuniste vazhdon të jetë, duke kapur rolin kryesor. Nëse PD do të kishte ndëshkuar krimet e komunizmit do kishte përmbushur misionin e saj. Veprimet e egra nuk do të thotë se kjo shoqëri duhet t’i pranojë. Më mirë ta bëjëm luftën politke brenda insitucioneve se sa të ndërmarrin akte të tilla.?-tha Alimadhi.

Gjithashtu ai u shpreh se partia që ai drejton mbron interesat e vendit, dhe kontributi i tij do të jetë pikërisht në mbrojtje të këtyre interesave.

?Unë ndjek politika që nuk e dëmtojnë Shqipërinë. Balli mbron interesat kombëtare të këtij vendi.

Më kanë ardhur mendime dhe presione po kjo kohë ka qenë shumë e vështirë për mua. Bindjet e mia janë krejtësisht të djathta. Vendimi im ka qenë me qëllim për të ndjekur procesin demokratik brenda institucioneve.

Balli kombëtar do të jetë në përputhje me vlerat e vendit. Ka ligje që duhet të ndryshojnë. Roli jonë është në opozitë. Njoh pjesën e ligjvënësit dhe kontributi i Ballit Kombëtar do të jetë në interes të vendit për të bashkuar shqiptarët me njëri tjetrin”, u shpreh Alimadhi.