Shënim/ Pse Baton Haxhiu kërkon "armiq" tek Partia Socialiste

22 Mars 2019, 11:15, Aktualitet CNA

Dje në mbrëmje në emisionin ?Opinion?, gjithologu, i shumëdituri, kosovari që vjen në Shqipëri për t?i dhënë mend politikës tonë, na tha se në Partinë Socialiste, apo qeveria kishin dy kundërshtarë. Ata ishin Ditmir Bushati dhe Niko Peleshi.

Dhe megjithëse ata ishin kundërshtarë të kryeministrit Rama, nuk po i bënin dot gjë.

Në fakt, kjo e artikuluar nga goja e Baton Haxhiut, që ?fle? e zgjohet me Edi Ramën, duket qesharake.

Së pari, dy ish-ministra dhe bashkëpunëtorë të ngushtë të Edi Ramës, njerëz që në fakt janë quajtur shumë të suksesshëm prej tij. Ditmir Bushati për diplomacinë dhe Niko Peleshi si zv.kryeministër dhe më pas ministër i Bujqësisë.

Por, pse Batoni artikulon diçka të tillë?

Zëdhënësi i Stanishiçit, siç e quajti Ilir Meta, kërkon të krijojë një frymë diversioni kundër disa figurave në Partinë Socialiste, për t?i hapur rrugën një rryme që i pëlqen atij.

Ai kërkon që nëpërmjet diversionit në media, apo duke u sjellë si një mbrojtës i flaktë i kryeministrit Rama, të mundet të influencojë gjithçka ndodh në Partinë Socialiste, ashtu sikurse influencon edhe në Kosovë.

Njeriu, i cili është akuzuar nga ish-kryeministri Sali Berisha për një mijë e një bëma dhe gjëma, po fut turinjtë e tij të neveritshëm edhe në politikën shqiptare, duke kërkuar që të krijojë intriga të brendshme politike për ta pasur më pas të lehtë, që të nxjerrë gështenjat me duart e Edi Ramës.

Ndoshta duket qesharake, por dje Batoni, apo ?butoni? i Edi Ramës, siç quhet ndryshe nga Rilindja faktoi gjithçka kishte thënë ish-kryeministri Sali Berisha, se qeveria në Shqipëri e bën Baton Haxhiu, megjithëse votohet Edi Rama.

Ndryshimet, ministrat, politikën e jashtme me Kosovën, e bën Baton Haxhiu dhe jo kryeministri Rama.

Dje ai tregoi sesi kishte hequr dy ministra, pra ministrin e Jashtëm dhe ministrin e Bujqësisë. I pari sepse kishte kundërshtuar ashpër politikën dhe linjën e Batonit për ndryshimin e kufijve dhe i dyti sepse kishte ndërhyrë për të ndaluar hyrjen e miellit serb në Shqipëri.

Dhe pasi të dy i kishin dalë kundër, Edi Rama i kishte hequr nga ministër, dhe përtej kësaj, pas largimit si ministra, Batoni i pangopur nga urrejtja e tij, sulmon publikisht dy eksponentë të lartë të Partisë Socialiste.

A thua Ditmir Bushati dhe Niko Peleshi janë armiq të qeverisë dhe mund të rrëzojnë Edi Ramën.

Kushdo që e mendon është qesharake, por më e neveritshme se gjithçka është sjellja e Baton Haxhiut, njeriut i cili keqpërdoret nga rrymat serbe, kundër intersave shqiptare dhe njeriu i cili po tenton të bëjë gjithçka që të kontrollojë pushtetin politik jo vetëm në Kosovë, por edhe në Shqipëri.

Shërbimet e tij janë të pandalshme. Ajo e djeshmja ishte nga më të pështirat, për të na treguar se Edi Rama paska edhe probleme të brendshme.

Në fakt gjithçka është një gënjeshtër, një trill dhe thjeshtë një intrigë që Baton Haxhiu e trillon ndaj dy eksponentëve socialistë, për t?i hapur rrugën një loje të tretë të brendshme brenda Partisë Socialiste./ CNA.al

Baton Haxhiu “zbulon” dy ish ministra socialistë kundër qeverisë

Baton Haxhiu kryerenegati i Ramës/ Dikur argat i Beogradit