web counter
LEXO PA REKLAMA!

SHKARKO APP

App Store
Google Play

Thellohen hetimet për dosjen 'Babale'/ Hajdarmataj thirret në Prokurori

19 Mars 2019, 09:44, Aktualitet CNA

Prokuroria e Tiranës, në lidhje me dosjen “Babale” ka dërguar në gjykatë si të pandehur për akuzën e ?Kallëzimit të rremë? Albert Veliun, Fredi Alizotin, gazetarin Jetmir Olldashin dhe ish-deputetin e PD Ervin Salianji.

Por, mësohet se Prokuroria e Tiranës, përkatësisht prokurori Kolë Hysenaj ka hapur dhe një dosje të dytë në lidhje me këtë çështje.

Objekt i hetimit të kësaj çështje do të jenë veprimet e ish-drejtuesit të Prokurorisë së Krimeve të Rënda Besim Hajdarmataj, i cili gjatë vitit 2018, ka qenë prokurori që ka takuar Albert Veliun në zyrën e tij tek Krimet e Rënda.

Për llogari të këtij hetimi është marrë në pyetje dhe prokurori Besim Hajdarmataj.

Ky i fundit është pyetur në cilësinë e personit që ka dijeni mbi rrethanat e ngjarjes.

Ky takim mes tyre është zhvilluar me qëllim që ?Babalja? ta informonte prokurorin Hajdarmataj për trafikun e drogës në Vlorë dhe përfshirjen e Agron Xhafës, vëllain e ministrit të asaj kohe Fatmir Xhafa, në këtë trafik droge, shkruan Shqiptarja.com.

Mësohet se Hajdarmataj pasi e ka dëgjuar rrëfimin e Albert Veliut, nuk ka vepruar me rregjistrimin e proçedimit penal, me qëllim që të hetonte mbi trafikun e drogës.

Por dëshmitarin, ia ka përcjellë Shërbimit Informativ Shtetëror, duke i kërkuar drejtuesve të shërbimit që të kryenin veprime hetimore së bashku me Albert Veliun.

Por ky veprim i ish-drejtuesit të Krimeve të Rënda cilësohet si ?Shpërdorim detyre? nga kolegët e tij në Tiranë dhe për pasojë prej disa kohësh kanë nisur verifikimet për të sqaruar pozicionin penal të prokurorit Besim Hajdarmataj./CNA.al





Lajmet e fundit nga