web counter
LEXO PA REKLAMA!

SHKARKO APP

App Store
Google Play

Arrestimet e policëve në Port/ Lleshaj zbarkon në  Durrës

19 Mars 2019, 09:31, Aktualitet CNA

Ministri i Brendshëm Sandër Lleshaj ka  zbarkuar në Durrës. Vizita e tij në qytetin bregdetar vjen pas arrestimeve të policëve kufitarë në Port.

Sipas Lleshajt, Qeveria shqiptare është angazhuar që në kuadër të përmirësimit në përgjithësi të shërbimeve, në kuadër të zhvillimit të gjithanshëm ekonomik, shoqëror, kulturor të vendit, t?i kushtojë një rëndësi të madhe portave të saj.

“Porti i Durrësit është porta kryesore në Shqipëri. Prej këtu lëviz rreth 40% e volumit të mallrave. Po kështu, po kaq përqind e të ardhurave që gjenerohen në nivelin e doganave shqiptare, kryhet përmes këtij porti dhe besoj që dalim në përfundimin, që në qoftë se këtu kalojnë rreth 40% e të mirave dhe një përqindje e problemit po ashtu kalojnë përmes këtij Porti?, ka thënë Lleshaj.

Më tej ministri është ndalur edhe tek problemet që ka Porti i Durrësit.

Sipas tij, problemi kryesor këtu në Portin e Durrësit ka të bëjë me faktin që duke qenë port i madh ka edhe shumë autoritete.

“Kemi një numër shumë të madh autoritetesh, duke filluar nga Autoriteti Portual, nga Policia e Shtetit, nga AKU, Doganat dhe struktura të tjera, të cilat e bëjnë shumë kompleks menaxhimin e këtij Porti si një entitet të tërë?, ka thënë Lleshaj.

Por, një tjetër problem i shtruar nga Lleshaj vjen dhe nga strukturat e Policisë Kufitare.

?Kohët e fundit ne kemi bërë disa sondazhe të vogla, të cilat na kanë provuar faktin që ka nevojë dhe për sondazhe dhe për ndërhyrje më të thella. Më së fundmi, gjatë një kontrolli në strukturat e policisë kufitare kemi evidentuar probleme të rëndësishme, të cilat tregojnë që nevoja për ndërhyrje të thella në drejtim të përmirësimit të standardeve të funksionimit të të gjitha institucioneve që funksionojnë në Port është e lartë?, është shprehur Lleshaj./CNA.al

 





Lajmet e fundit nga