web counter
LEXO PA REKLAMA!

SHKARKO APP

App Store
Google Play

Detajet e ekzekutimit/ Nga akuza për vrasjen e të atit te masakrimi i tregtarit

19 Mars 2019, 09:00, Aktualitet CNA

Një ekzekutim mafioz ka ndodhur mbrëmjen e djeshme në zonën e Tiranës së Re pranë shkollës ?Petro Nini?, një ndër zonat më të shtrenjta të Tiranës. Një 26-vjeçar u vra me armë zjarri pranë shtëpisë së tij.

Viktima është Jurgen Kurti, një emër i njohur si për drejtësinë ashtu edhe për opinionin publik.

Ngjarja ka ndodhur rreth orës 22:00, ndërsa autorët janë larguar nga vendi i ngjarjes, duke përfituar nga errësira.

Kurti u qëllua dy herë sapo kishte zbritur nga makina dhe po kalonte trotuarin për t?u ngjitur në banesë, duke mbetur i vdekur në vend.

Ai jetonte së bashku me motrën dhe nënën në të njëjtën banesë, ku u vra i ati pak vite më parë.

Kurti është arrestuar së pari për vrasjen e babait të tij, por u la i lirë pasi daja i tij mori përsipër krimin

Më pas ai u përshi edhe në një vrasje në Durrës, por edhe këtu u lirua për mungesë provash.

Kush është Jurgen Kurti

26-vjeçari tërhiqte vazhdimisht vëmendjen e shtypit rozë, ndërsa njihej ndryshe edhe si ?menaxheri i VIP-ave?.

Pak kohë më parë ai është përfolur se ishte në një lidhje me ish-banoren e Big Brother, Xhensila Pere. Mirëpo, të dy e mohuan një lajm të tillë duke u shprehur se ishin vetëm miq.

Ndërkohë, Kurti kishte disa vite i fejuar me një modele nga Durrësi, Enxhi Ekonomi. Shpesh ai publikonte foto dhe dedikime për të fejuarën e tij. Ndërkaq, komentohej shpesh edhe për jetën e luksit.

Ai kishte në pronësi të paktën 10 biznese të ndryshme, nga servis makinash, te kompani për menaxhime dhe organizime eventesh.

Jurgen Kurti është akuzuar më parë për vrasjen e babait të tij Artur Kurti, krim për të cilin e mori përgjegjësinë daja i tij.

Gjithashtu Kurti është akuzuar si autor i vrasjes me thikë të shtetasit Agim Arapi në Durrës, për shkak të qirasë të pa-paguar në një dyqani ushqimor. Kurti ndodhej aty së bashku me të afërmit e të fejuarës së tij, Kujtim dhe Konstandin Ekonomi.

26-vjeçari u lirua në të dyja rastet nga gjykata.





Lajmet e fundit nga