web counter
LEXO PA REKLAMA!

SHKARKO APP

App Store
Google Play

"Vidhni, korruptoni, vrisni"/ Gazetarja "shpërthen" ndaj Arta Markut

12 Mars 2019, 12:35, Aktualitet CNA

Sot Prokurorja e Përgjigjshme e përkohshme Arta Marku,  ka nënshkruar një marrëveshje me KQZ, për të hetuar krimet zgjedhore.

Pos, sipas gazetares Anila Hoxha Prokuroria shpesh e ka firmosur dështimin me marrëveshje të tilla

“Vidhni. Korruptoni. Vrisni. Bëni krim të organizuar. Marrëveshja e Prokurorisë me Komisionin Qendror të Zgjedhjeve për të hetuar krimet në fushën e zgjedhjeve tregon qartë se postulati ” ligji është i barabartë për të gjithë ” , ka skaduar dhe s’ka pikë vlere.

Prokuroria ka firmosur shpesh dështimin me marrëveshje të tilla. Të firmosësh marrëveshje dhe të betohesh se do zbatosh ligjin për të cilin merr rrogën është absurditet.

Vrasja nuk ështëe prioritet të hetohet ? Terrorizmi?Krimi i organizuar?Vjedhjet? Aksidentet?

Që mos të lodhesh të bësh marrëveshje me çdo institucion ligji e ka zgjidhur ndryshe. Është ” shpikur” Kodi Penal dhe Kodi i Procedurës Penale. Këto janë marrëveshjet e vetme. Gjithë të tjerat janë shoë dhe propogandë”, ka shkruar gazetarja.

Sipas saj, deri më tani ish-prokurorë të përgjithshëm bënin të njëjtën gjë, firmosnin marrëveshje në fushën e tatim taksave, doganave, vjedhjes së energjisë, pastrimit të parave dhe gjithçka përfundonte në fushatë.

“Kësaj radhe fushata është për zgjedhjet. Por kanë 2 vjet që kanë dosjen e zgjedhjeve në sirtare, përse nuk ju dha drejtim? Siç duket ka munguar marrëveshja. Tani do zgjidhet për zgjedhjet”, ka shkruar gazetarja Hoxha./CNA.al

 

 





Lajmet e fundit nga