web counter
LEXO PA REKLAMA!

SHKARKO APP

App Store
Google Play

Stuhia ekonomike që po vjen

12 Mars 2019, 17:28, Aktualitet CNA

Nga Klodian Tomorri

– Në tremujorin e fundit të vitit të kaluar numri i të punësuarve në ekonomi u ul me 17 mijë vetë. Pra 17 mijë shqiptarë, që deri dje kishin një rrogë tani nuk e kanë më sepse kanë humbur punën e tyre.

Sipas INSTAT, rënia më e madhe e numrit të të punësuarve ka ardhur nga sektori privat jo bujqësor, ndërsa pjesa tjetër i përket bujqësisë. Këto janë të dhenat administrative, që dalin nga listpagesat e dorëzuara tek Tatimet. Shkurt treguesi me i besueshëm dhe më i pamanipulueshem i punësimit.

Në Janar të ardhurat e mbledhura në buxhet ishin 2.5 përqind më pak se sa Janari i vitit të kaluar. Të dhenat paraprake sugjerojnë se performanca fiskale ka qenë e dobët edhe në shkurt, teksa qeveria duket se do të fillojë sërish të shtrëngojë rimbursimin e TVSH-se tek biznesi për të kompesuar rënien e të ardhurave. Të dy keta tregues, si numri i të punësuarve ashtu dhe të ardhurat buxhetore bëjnë pjesë në klasën e të ashtuquajturve “leading indicators”.

Unë nuk kam hasur ndonjë përshtatje të këtij termi në shqip, por “leading indicators” janë faktorët që i paraprijnë trajektores së ekonomisë. Kur ata përkeqësohen, ekonomia i ndjek nga pas, kur “leading indicators” përmirësiohen, rritja ekonomike shpejtohet.

Të gjithë indikatorët “spiunë” sinjalizojnë se me gjasa ekonomia shqiptare ka filluar të ngadalësojë që në tremujorin e fundit të vitit të kaluar. Por problemi është se ky nuk duket një ngadalësim i përkohshëm. Ngadalësimi në Eurozonë dhe efekti situata e renduar energjetike paralajmërojnë kontraktim të ndjeshëm në ritmin e rritjes ekonomike.

Të gjitha rrethanat sugjerojnë se ky vit do të jetë kopje e 2015-tës. Tështimat kanë filluar sakaq. Kolla vjen me vone, kur të nisin shkurtimet buxhetore dhe fryrja e borxhit ndaj bizneseve.





Lajmet e fundit nga