web counter
LEXO PA REKLAMA!

SHKARKO APP

App Store
Google Play

E fundit!

x

Gazi lotsjellës në protestë/ Ministri Lleshaj tregon kur dhe ku është blerë

12 Mars 2019, 16:33, Aktualitet CNA

Gazi lotsjellës i përdorur në protestat e fundit të opozitës është blerë pas tubimit të 21 janarit nga ish-“Qeveria Berisha”.

Kështu ka deklaruar Ministri i Brendshëm, Sandër Lleshaj, në një intervistë për emisionin gazetarin Roland Qafoku.

Sipas Ministrit, gazi është blerë në Izrael, pas ngjarjes makabre të 21 janarit, por në fakt nuk është përdorur asnjëherë.

“Ky gaz është blerë në vitin 2011. Në dijeninë time janë blerë në Izrael. Unë refuzoj të futen në detaje teknike sepse kjo është punë e policisë. Këtu nuk ka vend për të thënë ka bërë mirë apo keq që i ka blerë. Këto janë standarte policore. Menaxhimi i turmave mund të bëhet me forcë fizike, por kur ke një turmë me mijëra vetë besoj se policia, me forcë fizike nuk realizohet. Në këto kushte përdoren mjete policore për shpënrdajen e turmës”, ka thënë Lleshaj.

Më tej ai ka hedhur poshtë se në protesta janë hedhur lëndë helmuese.

“Refuzoj këtë keqpërdorim lidhur me atë që e quajnë Lëndë Helmuese Luftarake prej injorancës ose prej keqdashjes. Lëndë Hemuese Luftarake Shqipëria nuk ka. Jo vetëm që nuk janë përdorur por në Shqipëri nuk ka lëndë Helmuese Luftarake. Shqipëria është vendi i parë në botë që në mënyrë vullnetare ka hequr dorë nga përdorimi i Lëndëve Helmuese Luftarake dhe janë shkatërruar nga një program i gjerë të udhëhequr nga SHBA. Gazi lotsjellës nuk është lëndë luftarake. Lëndët Helmuese Luftarake kanë qëllim të vrasin. Ndërsa gazi ka qëllim të largojë turmën nga një mjedis i caktuar kur një protestë del jashtë ligjit. Në rastin tonë kemi patur ushtrim të dhunës ndaj forcave të policsë në rastin e kryeminstrisë dhe më 16 shkurt. Ky gaz përdoret në çdo protestë në Evropë”, ka thënë Lleshaj./CNA.al

 





Lajmet e fundit nga