E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Për Rudina Hajdarin dhe ne "tradhëtarët" e tjerë!

12 Mars 2019, 17:43, Aktualitet CNA

Nga Arian GALDINI

– A e dini çfarë?

Të gjithë ju që mu turrët mua pse bëra një status mbrojtës ndaj saj.

Pikë së pari, unë nuk jam as mik, as i afërm, as avokat, as mbrojtës, e nuk kam asnjë shtysë apo interes personal për ti dalë për zot Rudinës.

Ajo di shumë mirë ti dalë zot vetes.

Rudinën nuk e njoh personalisht e as kam komunikuar a folur kurrë me të.

Madje edhe kur ajo ka qenë mes meje dhe Lulzim Bashës sikurse në këtë foto, unë sinqerisht as e kisha idenë se kush ishte ajo vajzë e re.

Fare, po fare, fare.

Çfarë më shtyu mua që ta shkruaj statusin e mbrëmshëm?

Ja ku po jua them:

Tupanët e Luftës duan të na vendosin nën diktatin e faktit të kryer, o me ne, o tradhetar. E kështu po përfundojmë pak nga pak të shpallur tradhëtarë padrejtësisht, edhe ne që duam Bashkimin, por nuk pranojmë Rreshtimin. Ngase ata janë Fuqia Vendim-marrëse dhe Shtabi i Përgjithshëm i Luftës, ata ndihen të plotëfuqishëm që të na quajnë neve që duam Bashkimin me Integritet dhe Dinjitet, si përçarës, të pabindur, të shitur e tradhëtarë.

E jo. Kjo nuk është aspak e drejtë. Nuk vë dorën në zjarr për askënd tjetër veç vetes sime, e megjithatë për parim e refuzoj këtë Vetëplotëfuqishmërinë e këtyre të Shtabit të Luftës për të na treguar neve të tjerëve standartet dhe të drejtën.

Ku e keni parë ju të shpallur si heroinë këtë vajzë të re të quajtur Rudina Hajdari? Askund nuk e kam thënë e as shkruar unë. Askund tjetër nuk e kam lexuar, së paku për aq sa kam arritur të lexoj rreth saj e për të.

Por që është një vajzë e re, një politikane e re që ka marë një vendim guximtar, ky është fakt dhe meriton të respektohet dhe madje inkurajohet.

4. Është vajzë, femër, zonjë. Nuk linçohet kështu një vajzë, një femër, një zonjë. Ne kemi kaq pak zonja në politikë, e bëjmë mirë tua kursejmë agresivitetin tonë burrëror të një politike pa vlera, pa parime, pa rregulla e pa nder.

5. Është e bija e Azem Hajdarit. Është kanibalizëm politik, ti përdorësh emrin Azemit për pushtet, për frymëzim, për unifikim, për ekzaltim, e në fund ti linçosh të bijën.

Po ja meqë Rudina, nuk paskërka kontribute, përse duhet të më shani mua, të më fyeni mua, të më tregoni mua sesa të zhgënjyer qenkërkëshi me mua, vetëm e vetëm pse unë bëra një status të thjeshtë, njerëzor, revolte dhe solidariteti në krah të Rudinës. Edhe sikur gabim ta kem unë qëndrimin tim, çfarë ju shtyn, çfarë fuqie mllefi ju shtyn të më turreni mua? Çfarë?

Doni kontribute?

I kam pafund. Nga 1991 deri tani në këtë çast që po flasim. Ju u zhgënjekeni me mua pse unë bëj një status të thjeshtë për Rudinën, e më shani mua, më etiketoni mua, më thoni të parme e të prapme mua, e unë pyes veten: Pa prit…

A kam vjedhur ndonjëherë në jetën time?

A kam mashtruar ndokënd në jetën time?

A i kam bërë ndokujt keq në jetën time?

A kam pasur ndonjëherë pushtet në jetën time?

A i kam marë ndokujt borxh në jetën time?

A kam bërë ndonjêherë ndonjë paudhësi, ligësi, a poshtërsi në jetën time?

A kam bërë ndonjë punë të zezë në jetën time?

A kam bërë ndonjëherë ndonjë dredhje politike a kompromis me të majtën, në jetën time?

A e kam sharë unë ndonjëherë me fjalë fyese a të padenja, Bashën a Berishën, a PD?

A kam qenë herë pas here kritik dhe guximshëm kritik kur nuk kam qenë dakort me ta?

Po. Pra sot e dje, nuk është hera e parë.

Por sharje kurrë.

Fyerje kurrë.

Atëherë çfarë i shtyn këta njerëz që pse unë vijoj të jem besnik i ideve të mia, i qëndrimeve të mia, i ndershëm dhe i drejtpërdrejtë, i sinqertë si gjithmonë, i pahile, të më turren mua e të më shajnë e fyejnë mua, pse bëj një status për Rudina Hajdarin?

Një Zot e di, sesi dikush mund të shajë dikë pse mendon politikisht apo partiakisht ndryshe.

Mund të shash një hajdut, një batakçi, një borxhli, një bixhozxhi, një horr, një të korruptuar…

Por dikë që veç mendon e vepron sipas mendimeve e besimit të tij, e që kurrë nuk i ka bërë keq askujt, nuk e kuptoj si e pse mund ta shash.

Në humbshi, mua këtu më keni që të ringrihemi së bashku për të fituar.

Faleminderit!-