web counter
LEXO PA REKLAMA!

SHKARKO APP

App Store
Google Play

E fundit!

x

Pranoi mandatin e deputetit/ Gjoni: Emri im nuk mund t’i shërbejë destabilizimit të vendit

12 Mars 2019, 19:56, Aktualitet CNA

Kandidati në listat e LSI-së, Ralf Gjoni ka deklaruar ditën e sotme se do të pranojë mandatin e deputetit. Në një postim  në rrjetet sociale, Gjoni tha se ishtë vendimi më i vështirë politik që ka marrë në jetën e tij.

Më tej Gjoni shton se emri dhe integriteti i tij nuk mund t?i shërbejnë destabilitetit të vendit, prandaj duhen marrë përgjegjësitë për të garantuar funksionimin normal të parlamentit.

?Ky ka qenë ndoshta vendimi më i vështirë politik në jetën time dhe pas një konsultimi të gjerë e të gjatë me familjen time, miq të afërt e kolegë brenda e jashtë vendit si dhe me votues e aktivistë të shumtë që më kanë mbështetur gjatë fushatës elektorale – kam vendosur të vazhdoj shërbimin tim ndaj axhendës Euro-Atlantike të vendit e të jem në krahun e drejtë të historisë.

Sot kam dorëzuar pranë KQZ formularin e vetëdeklarimit për garantimin e integritetit të kandidatit dhe në varësi të vendimit të KQZ kam vendosur pranimin e mandatit të deputetit në Kuvendin e Shqipërisë, sipas ligjit dhe në funksion të Kushtetutës.

Emri e integriteti im nuk mund t?i shërbejnë kurrë destabilizimit të vendit, ndaj sot të gjithë duhet të marrin përgjegjësitë që kanë për të garantuar funksionimin normal të Parlamentit, si themel i shtetit shqiptar. Shqiptarët meritojnë qetësi, progres e shpresë për të ardhmen?,- shkruan Gjoni. /CNA.al





Lajmet e fundit nga