Shantazhi Basha-Rama/ Çfarë po bluhet në politikën shqiptare?

8 Mars 2019, 13:42, Aktualitet CNA

Situata politike në vendin tonë, nuk duket në ditët e saj më të mira. Kriza politike, djegia e mandateve të opozitës, protestat, kanë tërhequr edhe vëmendjen e ndërkombëtarëve, të cilët dërgojnë mesazhe dhe apelojnë për zgjidhje, sepse në të kundër do të rrezikohet integrimi i Shqipërisë.

Por, fakti është se mesa duket integrimi i Shqipërisë, nuk është çështje parësore, as për kryeministrin Edi Rama dhe as për kreun e PD-së, Lulzim Basha. Të dy vijojnë retorikën e tyre, të përditshme.

Por, ndërkohë ka edhe një tjetër detaj.

Prej disa ditësh, në daljet e tij mediatike, kryetari i Partisë Demokratike, Lulzim Basha artikulon të njëjtat fjali.

Në çdo dalje, ai flet për një dosje sekrete, që sipas tij ?fle? në prokurori dhe zbardhja e asaj dosje, do të fundoste kryeministrin Rama.

?Edi Rama dosja 339 është makthi yt. Ti e di se çfarë përmban, uroj ta dish se çfarë përmban dosja 184, drejtësisë do t?i zgjidhen duart, politikanët para drejtësisë dhe shqiptarët do kenë zgjedhje të lira e të ndershme?.-deklaroi para disa ditësh kryedemokrati Basha, dhe një deklaratë e tillë është përsëritur edhe në dalje të tjera mediatike.

U bënë disa ditë që Basha flet për nje dosje të bujshme, por në fakt asgjë nuk është publikuar në media. Thjeshtë Basha duket se po shantazhon Ramën, me ndonjë nga ato ?sekretet? e tyre të përbashkëta.

Nga ana tjetër nuk qëndron pas kryeministri, i cili i rikujton herë pas here Bashës, marrëveshjen e 17 majit 2017, detajet e së cilës i dinë vetëm ata të dy.

Madje Rama edhe në mediat italiane e quan Bashën ?miku im i marrëveshjes së 17 majit?.

Gjithçka duket një lojë politike, me shtantazhe, për përfitime personale të secilës palë dhe aspak për fatin e vendit, sikurse pretendojnë.

Nëse Basha ka prova për një tjetër dosje, bën mirë ti bëjë publike, në mënyrë që ta besojnë qytetarët se betejen e tij e ka seriozisht dhe se nuk po shndërrohet sërish në patericë të Edi Ramës, për ta shpëtuar këtë të fundit nga skandalet që kanë mbuluar qeverinë e tij./ CNA.al

Basha plas “bombën”/ Një tjetër dosje sekrete fundos Ramën?

Përballen në televizionin italian/ Rama: Basha është ?miku im?