web counter
LEXO PA REKLAMA!

SHKARKO APP

App Store
Google Play

E fundit!

x

Tragjike/Miliarderi humb jetën pas proçedurës për zmadhimin e...

8 Mars 2019, 19:15, Aktualitet CNA

Një miliarder i biznesit të diamanteve ka ndërruar jetë, pasi pësoi një infarkt gjatë proçedurës për zmadhimin e penisit, në një klinikë private në Paris.

Ehud Arye Lanido, 65 vjeç, u shtrua në një qendër shëndetësore të paidentifikuar ende në kryeqytetin francez, për t?ju nënshtruar operacionit për zmadhimin e organit gjenital. Por komplikacionet gjatë proçedurës së vështirë rezultuan fatale, të paktën kështu raportojnë mediat në Belgjikë. Bëhet me dije se infarkti u shkaktua në momentin kur një lëndë u injektua në penisin e tij.

Lajmi u konfirmua dhe nga kompania që zotëronte Landio ?Omega Diamonds?, të cilët i dhanë lamtumirën ?një biznesmeni vizionar?. Po ashtu dhe website-i i tij ka nxjerrë lajmërimin: ?Me trishtim të thellë ju lajmërojmë se themeluesi ynë, Ehud Arye Lanido ndërroi jetë në 2 mars 2019, në moshën 65 vjeçare.?  Ndërkohë një nga miqtë më të afërt të miliarderit, që po ashtu mbetet anonim, tha se ai i kishte dhënë gjithnjë rëndësi paraqitjes së tij fizike dhe çfarë të tjerët mendonin për të. Ndoshta kjo ka qenë dhe arsyeja pse ai i ishte nënshtruar ndërhyrjes kirurgjikale.

Tregëtari i gurëve të çmuar ishte pronari i vilës më të shtrenjtë në Monaco, që kishte një vlerë prej 30 milionë dollarësh dhe gjithashtu kishte një rezidencë në Bel Air, Los Angeles. Karriera e izraelitit kishte filluar në Afrikë në moshën 20 vjeçare, teksa u dallua për aftësitë e tij kur punonte si një masazhator i thjeshtë. Këto ditë, ai konsiderohej si një nga vlerësuesit më të rëndësishëm të diamanteve në botë dhe në vitin 2015 ai arriti të shiste ?Blue Moon?, gurin e çmuar më të shtrenjtë në botë që kapi një vlerë prej 36.8 milionë dollarësh.

Ndërkohë ende nuk dihet nëse familja e miliarderit do të ndërmarrë ndonjë hap ligjor ndaj klinikës shëndetësore në Paris.





Lajmet e fundit nga