web counter
LEXO PA REKLAMA!

SHKARKO APP

App Store
Google Play

Në gjurmët e të atit/ Djali i Sokol Olldashit gati të “zbresë në fushë”

8 Mars 2019, 09:50, Aktualitet CNA

Glauk Olldashi është vetëm 19 vjeç, por me një dëshirë të madhe për të marrë pjesë e për të folur mbi politikën shqiptare. Djali i madh i ish-ministrit të ndjerë të Transportit, Sokol Olldashi, në një intervistë për Shqiptarja.com, ka shprehur dëshirën për të kontribuar aty ku gjërat i la në mes babai i tij i dashur, mbart në vetvete trashëgiminë politike nga i ati, apo nga familja Olldashi, të cilën dy gra të forta, gjyshja e tij Kozeta dhe mamaja Enkeleda, sot drejtojnë.

Ndërsa aktualisht banon në Angli dhe po vazhdon studimet në degën Ekonomi Politike, Glauk Olldashi nuk e mohon mundësinë për të ?zbritur në fushë?.

I pyetur nëse ka ndërmend të angazhohet në politikë, Glauk Olldashi është përgjigjur ? Kjo është e vërtetë. Gjithmonë e kam pasur politikën pasion dhe e kam ndjekur nga afër ndonëse nuk jam prononcuar publikisht. Arsyeja pse kam vendosur të angazhohem politikisht është për shkak të situatës delikate në të cilën ndodhet Shqipëria sot. Gjithashtu e shoh të udhës që brezi i ri të angazhohet për të ofruar zgjidhje të reja problemeve të vjetra që e kanë shoqëruar vendin tonë. Në politike fjala është shprehje e mendimit dhe ajo vjen pas tij. Babai im e kishte vërtet këtë armë dhe ngelet për t’u parë nëse fjala ime ka apo do të ketë peshën e duhur në mjedisin politik shqiptar.?.

Gjithashtu Glauk Olldashi tha se pas studimeve në Londër, mund të kthehet në Shqipëri, për të dhënë kontributin e tij.

?Kam pasur gjithmonë në plan që të kthehem në Shqipëri pas studimeve. Situata e tanishme politike në vend padyshim më ka shtyrë edhe më shumë që ta konkretizoj këtë vendim.?-u shpreh djali i Sokol Olldashit.





Lajmet e fundit nga