web counter
LEXO PA REKLAMA!

SHKARKO APP

App Store
Google Play

Masat kundër kultivimit të drogës/ 289 grupe kontrolli në terren

8 Mars 2019, 12:21, Aktualitet CNA

Policia e Shtetit ka ndërmarrë operacione kundër kultivimit të bimëve narkotike në të gjithë territorin e Shqipërisë.

Në një deklaratë për mediat nga Policia bëhet e ditur se për këtë janë angazhuar në terren, 289 grupe kontrolli, nga Drejtoritë Vendore të Policisë dhe Drejtoritë Vendore të Kufirit e Migracionit.

Gjithashtu mësohet se në operacion morën pjesë 1.110 punonjës policie me 203 automjete policie dhe 2 mjete lundruese.

?Janë kryer gjithsej 4.922 kontrolle/rikontrolle, në:

– 1795 sera/minisera

– 1036 magazina/objekte

– 883 ish objekte ushtarake

– 509 shtëpi të braktisura

– 299 stane/stalla

– 407 ambiente të hapura

– 43 parcela të kultivuara në vitet 2016-2017.

Gjatë kontrolleve të ushtruara në territor dhe në ambiente të mbyllura nuk është konstatuar asnjë rast i kultivimit të bimëve narkotike.

Grupet e monitorimit të DPPSH, të cilët janë përgjegjëse për territoret e caktuara për monitorim kanë ndjekur operacionin  në të gjithë territorin e vendit.

Kontrollet do vijojnë në mënyrë periodike në bashkëpunim edhe me aktorë dhe agjenci të tjera përgjegjëse, të përfshira në Planin Kombëtar të Veprimit për parandalimin e kultivimit të kanabisit.?-thuhet në njoftimin e policisë.





Lajmet e fundit nga